سلام ياللـي يهابونـك زحـول الرجـال

سلام ياللـي يهابونـك زحـول  الرجـال=يا كاسب الطيـب ياللـي مالكـه كلبـوه
يامسند اللي شكالـك مـن همـوم  ثقـال=ياحافظ الطيب يوم مـن الرجـال  تركـوه
صبرت لين الصبر وصـل حـدوده وطـال=وحاولت يالين قدمـي كـل درب اقفلـوه
وخلو بعيني باليا اسبـاب واخطـا  خـلال=وحتى تعبي واجتهـادي للعمـل  كنسلـوه
ناس(ن)تحسـب المعـزه والمهابـه هـبـال=حتى الله اللـي خلقهـم بالظليمـه  نسـوه
ناس(ن)تحسد الفقيـر اللـي بجيبـه  ريـال=لو مصدر الـرزق منهـم عندهـم وقفـوه
ومضاق من فعلهـم بالظلـم  خلقن)وبـال=حتى الـذي صدعنهـم بالخطايـا  الحقـوه
ناس(ن)تحسب المراجل بس منصـب ومـال=والمال والمنصب مبيح سـد نـاس وصلـوه
والمال لويرفع ردي مانزل اكـرام  السبـال=لو مالهم حساب جاري  بالبنوك  ولاعرفـوه
ناس تنومس بالردا والطيب مالهم فيـه فـال=وراع الوفا والطيب لاقفا بالنفـاق اعدمـوه
في ذمتي انك بحـر سفنـه تربـط  بالحبـال=وليا صتفق موجه من على نود سفنه وقفـوه
انت الذي قولك يتم بلا شكوك  ولاجـدال=قولك محصن بالفعـول وقولهـم ماحصنـوه
ترسي لهامات الصعايب والوفا  مرسى  الجبال=وتعلم اللـي بالمراجـل بالعمـر  ماعلمـوه
وانا نصيتك يوم ضاقت من جنوب ومن شمال=بالازم اللي واجب منهـم علـي وعقـدوه
والرجل عزه بالعمر طيب ومراجل  وابتهـال=للواحد اللي مالكن خلقه وبالشـده رجـوه

والله لتبقى معي غالي ويبطي غلاك

والله لتبقى معي غالي ويبطي غلاك=غلاك منحوت بجدار الحشا والضمير
لاتشك فيه ولا تقول انت بين جفاك=غلاك دوله بحاكمها وانا لك سفير
وشلون انا انساك وانا اللي اطارد وراك=وشرب غلاك الصباح وبالظهر والعصير
كن الهواء اللي ملطف بالنسايم هواك=وانت الفضا والسما الواسع وانا فيه طير
وطير انا بالرضك العذبه وداعب سماك=وداعبك بالغلا باجمل خيوط الحرير
شف كيف فريت موجاتي وبالسرع جاك=شعري يداعب غلاك وينتشرله كثير
شف الغلا كيف يمشيلك ويتبع رضاك=والشعر كنك تفره في مكينه وسير
لعلني كان خنتك ياوليفي فداك=والا ان تحيلت فيك اعيش شوفي ضرير
والله يهئنيك ويحقق بعمرك مناك=ويزيدك ايمان بالدنيا وعزن وخير
ياليت قربي منك ماغير في مشتراك=مير قربي منك بشروط ووضاع غير
حطني ياوليف القلب داخل حشاك=وظمني ظم طفل(ن)ياوليفي صغير
وعتبرني معك بالعمر اول ضناك=اوعرف اني ابا ابقا معك عمري اسير

والله اني لو السوق الشعر لا يوم القيامه

والله اني لو السوق الشعر لا يوم القيامه=مالحقت اوصاف عبدالله وعبدالله وصوفه
كون دنيا اللي بست ايام كونها نظامه=وكل نجم(ن)في سماها ساطع العالم تشوفه
ياوسيع العرف وبحور المراجل والقرامه=انت بحر الشعر وانت الطيب داره ومعروفه
وهيبت الرجال بين الناس قدره واحترامه=وانت من فاحت بغال الطيب يالطيب حروفه
وانت من خاواك لبس المرجله افخم وسامه=والصعاب من الفعول الطيبه منك معسوفه
جاتلك يرجف رعدها والمزن مظلم غمامه=من قراءها قام يصفق من حلاها في كفوفه
من سمعها قام يومي بالعقال وبالعمامه=وانت من عندك علوم الطيب تاقف ماتطوفه
قلتها بابن البقوم اللي لهم بالعز هامه=الرجال اللي مخاواها ومدحته مخلوفه
ولوفاء للي علوم المرجله دايم مرامه=مكرم الجيران والاصحاب ومكرم ظيوفه
قلتها ورجل مايعرف من الشعر وكلامه=كم رجل(ن)ماصدق قوله ولاثبت حلوفه

بابو فاضل غثني الله يغثه يابو فاضل

بابو فاضل غثني الله يغثه يابو فاضل=وبالنظام بلا سبايب عايب السمعه قعدلي
وانت من قوم(ن)لهم بالطيب وقفات ومحافل=ينطحون الكايدات اللي بها تقل(ن)وقتلي
الدواسر لا ذكر طيب وشجاعه بالقبايل=والنخاوي لعقد لشر والعيلات حبلي
ماهو شين حطه السافل مشكل وهو سافل=والامر عندك وتقدر له لوانك تجتهد لي
لاتعديت الحدود ولا مشيت بدرب جاهل=والتحلوي في زاد الطماع متسلط وخبلي
وين راع الطيب والوقفات حلال المشاكل=ومن دور لصحيح ومن يفلي في وعدلي
صرت انا مكفول ابو عمار في وسط المعامل=ماحسب الامر(ن)يجيه من المدير ولاحسب لي
كل ماطالب بحقي قال كل الخلق باطل=وكل صبح ندامه بس يحفرلي ويعقدلي
ثعلب(ن)مع كل درب تحصله طالع وداخل=ومتعاون مع رجايل(ن)معه طبعن وشكلي
فاشل(ن)ماعنده الا كل خلق الله فاشل=وكيف باخذ حق من فارغ عقل من دون عقلي
والبلد في رايه ان الحكم ضايع فيه كامل=والتعامل بالمصالح امسك لمنهو مسكلي
وين راع العدل راح ومن عرف مخطي وقاتل=وين من لاجيت يمه  طلت حقي ونتصفلي
وكان انا مخطي يقول اخطيت في كل التعامل=ومن فعوله اعترف للخصم والا يعترف لي
ماشتغلت بشركة الناغي وشركة ابن كامل=ولو يطير مع السما من دون حقي ماوقفليي

ماتضيق الارض من فعل العفون ولاصدقاها

ماتضيق الارض من فعل العفون ولاصدقاها=لعقدوا حبل العداوه جبتله طيب يحله
ومن توكل بالله اللي يعلم النفس وخفاها=لوتجمع كل خلق الله لذه ماتذله
والحياه ظروف والايام مايرحم شقاها=والغناه احدن وصلها واحد حاول ماحصله
وناس حصلت القليل وناس ماتلقا عشاها=والله الرزاق والعالم تحت عرش وظله
مالك الارض الوسيعه والكواكب مع سماها=العظيم اللي جباله خشية(ن)منه سجدله
والامور اللي وصل صبري حدوده ماقواها=وصرت عند الصحاب راعيها وعنده صرت عله
ماحسبت حسابها والنفس ماوصلت حماها=والله اني لاتعذر لو حصل غلطه وزله
ماتعديت الحدودوهيبته ماخضت ماها=وهيبتي ماني عليها لواقطع سامحله
والرجال يعلمك عن سؤ نيتها نباها=والرداوالطيب دربه كل مخلوق(ن)يدله
وكل مخلوق(ن)له رغبه ونيات(ن)نواها=والفعول الطيبه لوكل واحد رغبتله
ماعرف طيب البشر في الحياه ولا رداها=والفقر بالعز اخير من الغناه مع المذله
والظروف القاسيه كل(ن) باهالدنيا شكاها=والسعه طيب الرجل هرجه وفعله ماضمله
الضمان لفعله الشدات في ساعة لقاها=والرجال تعلم الضايع عن الدرب وتدله
وكان ابه ناس(ن)تعزوا بالشدايد بنسباها=ابك انا الطيب اجيه بنخوت رجال ابمحله
الرجال اللي بفعل الطيب مايلحق مداها=مايضع الطيب منهم بالعمر كله جبله
الرجال اللي تضحي بالعمار لمن نخاها=ياصلون الطيب لو انه على موت ومذله
روحت مثل المزون اللي هواالغربي قفاها=المزون اللي رعدها مايكف اليوم كلـه
او تقل من روحت والخيل كله من وراها=والعنان يتل فارسها وهـو يمـه يتلـه
روحت والفكر حر(ن) لاهل الطيب يحداها=تلتطم و تقول انا راع المديح فدوتله
سقتها من ضيق بالي وبن غامد منتواها=الشجاع اللي ماقول ايقال انا اللي شاهدله
سقتها للي ليا وردة على عده سقاها= وعلها مثل المطر يوم الدهر مزنه يعله
شيخة الفكار وهو اللي معانيها زاهها=ولو سعد  لوصلته ماهمته مني فدله

حاوريني ياشعور الشعر وامحي ضيـق بالـي

حاوريني ياشعور الشعر وامحي ضيـق بالـي=وأكتبي هديتـي فـوق الخطـوط الدايريـه
وارسلي مني سلامـي للبعيـد  وللموالـي=وارسلي للغايب الحاضر سلامـي والتحيـه
واطلبيه يغير غيابـه مـن شهـور  اليالـي=علميه انه عزيـز وغيبتـه  ماهـي  شويـه
اسرج الأمثال وأجـاري كريمـن السبالـي=الرجال اللي على النخوه مواقفهـم  قويـه
واتمثل في شعـوري واتوسـع فـي حلالـي=ولاتميدح بالفعول اللي ماهـي منـي وفيـه
وماتميدح في فعول ابوي واجدادي وخالـي=لو فعايلهم واساميهم وسـام  وتـاج  ليـه
قلتها وانا ودليلـي خابـره عنـد الجدالـي=شاعرن قد قالها عصرن مضا واليـوم حيـه
التوسع بالمثايل والعمـر لـو طـال  بالـي=وماحسبت حساب ناس(ن)ربعة بالعنصريـه
وأرجي اللي عالم(ن)غيب البشر مرس  الجبالي=الكريم اللي فدا الانسان في كبش  الضحيـه
الله اللي يقدر يمـد البشـر عمر(ن)ومالـي=العظيم اللي قهر ماء البحر بارض(ن) ساحليه
يالله انـي طالبـك ياعالم(ن)غيبـي وحالـي=العفو والستر والغفـران  ياجـزل  العطيـه
يامفرج كربت المسلم ليا ضاقـت  وسالـي=بالشفاء من المرض والا ظروف احوال سيـه
وكل مخلوق(ن)له نظره وله ذوق  وخيالـي=ويتخير من بعيد النـاس  وربوعـه  خويـه
الخـوي اللـي يقاربلـه برايـه  والمقالـي=والخوي قد قيل بالامثال من  طينت  خويـه
والسموحه كان به زلات مدري  وش  طرالي=طارين هالعصر مر ويضق بال(ن)عاث  فيـه

ياجيش فكري افتح ابواب وابواب

ياجيش فكري افتح ابواب وابواب=ودخل باغابة هم وطلع الغابه
مادام همي ماله اعداد وحساب=والضيق ناهشني من الوقت نابه
واللي بهم ظني ورا هقوتي خاب=اللي قبل كانو بيعني ذيابه
غابو ومعهم بالعمر غابواشناب=غياب من بالموت غاب ابشبابه
مابه حدث يحدث بلا سابق اسباب=وابليس له دوله وحزب وعصابه
ومواعد(ن) ربه باتكثيف الانشاب=بين البشر الصحاب والا قرابه
الا الذي ياخذ له حساب وحساب=وبالدين والايمان يحما جنابه
من الشره الموقوت والشرارالاعراب=اللي تمطوا بالمعاهداركابه
والموت حاصل ماعن الموت مجناب=وماكتب للمخلوق بالعمر صابه
ورجل(ن)يعدالصدق والعدل ماهاب=وكل(ن)من الله لا تكلم يهابه
وماطاح بالشدات منهارالاعصاب=ماهو من اللي صاحب الكذب جابه
ومن مايميز بين صادق وكذاب=روح لا نقال النمايم نهابه
خلاه له في كل صولات مشعاب=وعلى هواياته وكيفه مشابه
وبيت(ن)مثبت في قويات الاطناب=باذن الله النود القوي ماغدابه
ياذيب لاتشكي من الوقت مرتاب=والسر غير الله محدن درابه
والبحث عن خاف البشر شغل الاذناب=والوقت ماحدن سالمن من عذابه
وكل(ن)شكامن جورالايام الاتعاب=وظنه سرى في ليل ماحدن سرابه
وخوت رجال(ن)من زحازيح الاجناب= اخير من نذل(ن)قريبه عثابه
والا انت حر(ن)مدهله راس مرقاب=ماعاش في طلحن تناغق غرابه