يالله ياعالم باعبدك وحاله
ومنك القدر والعمر والرزق مقسوم
ياقابل(ن) دعوت جريحن دعاله
ليا دعاله باخر الليل مظلوم
وهني من ماضاق خلقه وباله
ولامسا حزين ولاهتنا لذت النوم
ولاشاف بعيون القرابه اقباله
عداوته والبغض والحقد ماسوم٠
وادين في دنياه ماسرف بحاله
وعاش العمر من الوناسات محروم
ولو سد لازم من بضيقه عناله
وسرار عايلته عن الناس مكتوم
ولوكان لاجا عند ربعه مجاله
مالحقوا طاريه عند العرب لوم
وعند القرابه ماحسب ماغداله
ولايبيع في حق القرابه ولايسوم
ياناس ياللي تدعون العداله
ماللعداله عندكم دار ورسوم
والعدل والمعروف مانتم رجاله
ماذكر فيكم للمهمات شغموم
ولانتم اهل فزعه ولا اهل جماله
الا انذاله عندكم والردا كوم
ولو المراجل عادلتها انذاله
ماصار به حاكم وقاضي ومحكوم
ولاحدن شكى ظيم الزمان ولياله
والطيب والمعروف ماصار ملزوم
|
الأربعاء، 7 نوفمبر 2012
يالله ياعالم باعبدك وحاله
الاشتراك في:
تعليقات الرسالة (Atom)
ليست هناك تعليقات:
إرسال تعليق