يـامـل قلـب(ن)داعـبـه كـــل هـوجــاس

يـامـل قلـب(ن)داعـبـه كـــل هـوجــاس وقــامــت هـواجـيـسـه تــحــوم وتـتـلــه

هواجس(ن)مالهـا حـدودن ولا قـيـاس مــن شـوفـه لوضـعـن مـاهـو جـايـزلـه

ومن شوفت اللي شوفتـه هـم واتعـاس الــلــي غــــلا امــــه دونــنــا واقـفـلــه

وهرجه اخياس وريحت انفاسه اخياس ولــيـــا هـــــرج مـتـدلـيــن بـرطـمــلــه

عرضـه علـي مـدمـغ الفـكـر والــراس فــكـــره لـيـامـنــه حــضـــر حـاسـبـلــه

مـايـدري انــي حاسـبـه مـالـه اســـاس وعـنـدي حسـابـه صــح صـبــاب دلـــه

ومن طول الحيـه وهـو يشـرب الكـاس ودك تــحــنـــي بـالــعــفــن لـحـيــتــلــه

والـذيـب مـايـدور ورا رزق الابـسـاس و وسـط القمامـه مابحـث عــن عشـلـه

ماهو بانا اللي ياسود الوجه مـن داس وماهو باني اللـي يرعبـه صـوت خلـه

ماصابنـي مـن جــور الايــام وســواس وحمـلـي لـــو انـــه ضـامـنـي مرتـكـلـه

ولاطرد ورا دعوى سوالـف بقرطـاس وخــاصـــم الــلـــي صــكـــه امـثـبـتـلــه

والـلـي يدنـفـس بالـسـوالـف تـدنـفـاس وهـــو مـدنــس فـــي عـيـوبـه سـجـلـه

مـدنـســه بـالـعـيـب طــاهــر وعــبــاس وظـنــه مـاحــد فـــي طيـحـتـه داريـلــه

حطيـتـنـي بـنــي مـغــرر مـــن الـنــاس وحـطـيــت نـفـســك دولة(ن)مسـتـقـلـه

وحطيتـنـي جـحـود يـاشـيـخ الانـجــاس والـحــق لـــك يـاخـايـب الـــراي كــلــه

وفي حجتـك والهـرج ضايـع ومنحـاس وحــظـــك ردي ولا كــلامـــك مـحــلــه

ومـن الـردا مـالـن صنـاديـق واكـيـاس ومطيـيـتـن لـلــي دفــــن فــيــك غــلــه

ومن الحيا مجرد من شعور واحسـاس وهــــو ومـثـلــه عــــل بـقــعــا تـعــلــه

ولـعـل مـالـه وســط الاجــواد مـجـلاس وعــــل الـمـراجــل دربــهـــا مـايــدلــه

مالـلـقـرابـه مــنــك عـز(ن)ونــومــاس وانــتــه ومـثـلــك مــاربــح صـاحـبـلــه

ماجـا مـنـك غـيـر الفشيـلـه والافــلاس عـــزي لـمــن حـطــك ذخـــر حاجـتـلـه

ماتستـحـي يـامــال قـصــاف الانـفــاس والـخـبــث طـبـعــك والــــردا مـردفـلــه

يـابـو متـونـن كنـهـا حـمــر الاطـعــاس عـسـا الـهـزايـم لـــك سحاب(ن)يـهـلـه

مزنن نشا بالبـرق مـع قـرب الادمـاس يـرعــد ويــبــرق و الــهــواء مقـتـفـلـه

مزنـن شكـى مـن ماطـره كــل غــراس وتــلــف محـاصـيـلـن ثـمـرهــا غـنـلــه

دامــك عـلـى الاقــراب حـاقـد وبـــلاس مـــن انـــت يـاذيــخ الــخــلا عـزوتـلــه

عـنـد القـرايـب تطـحـن كـنــك ادبـــاس وعـنـد الاجـانـب فـارت(ن)وسـط حـلـه

مربـاك دارن ماحتـوت مشـتـك الـبـاس ومـسـكـنــك بـيـت(ن)مـاتـعـداك ظــلـــه

من جاك لديـارك عـن الطيـب عسـاس اقــفــا عــنــك مــاعــاد لـــــك جـيـتـلــه