اساير الناس وظروفي ادرجها
ومدري متى الوقت يبغا يوم يصفالي
مدري ظروف الزمن وشي نتايجها
الغيب خافي ومرجي متهيالي
يالله يالله ياربي تفرجها
يالواحد اللي بيدك العمر والمالي
وتخارج النفس من حاجات تزعجها
وعينن عليها السهر من
العنى طالي
لاتحسبني يوم اراودك واجيك
لي نيت(ن)فيها عليك
انعواجه
انا على قدر ومعزه امخاويك
ماخوتيلك لجل مقضات
حاجه
ليه ثلاث ايام وانا اتصل فيك
رد الجواب وصاحب الغيض
ناجه
ماظن ابه شئ(ن)عن الرد حاديك
لكن قلبك لي عكر مزاجه
وعكرت مزاجي وانا حيل مغليك
وكثر الترجي والتمنن
سماجه
مع السلامه رح عسا الله يهنيك
كل(ن)على كيف ويتبع
خارجه
لاعاد تطريني ولاني بمطريك
لكل منا يستر اللي
مواجه
ماعاد ابي شوفك ولاعاد ادانيك
اظلم سماك ومات نورك
سراجه
مالي غرض في خوتك وين اوديك
مالك خوي صحبتك صحبت
خواجه
لاتضيق من فعلهم ولايهمونك
افعالهم ماتبيض وجه
راعيها
بالمرجله وشجاعه حدهم دونك
لو املكوا كل هالدنيا
ومافيها
الناس بالطيب والفزعه يعرفونك
ماحدن جمايلك ينكرها
ويخفيها
ولو نافقوا فيك والله مايضرونك
طيبك مع الناس قاصيها
ودانيها
عساه لو انه مالك جاه وفلوس
وكل البشر بالخير له
يذكروني
ولوهو مالك مال(ن)مثل مال ابا رؤس
ماتشوف زوله في حياتي
عيوني
اللي يدوس المرجله بالقدم دوس
عله يحول البعد دونه
ودوني
ليست هناك تعليقات:
إرسال تعليق