والله انك عندنا غالي وفوق اوصاف غالي
وانك انت اللي جرا غلاك وسط الدم كله
راسين غلاك يالغالي مثل مرسا الجبالي
مايتغير دام انا عايش باقلبي عن محله
لنك انت اللي وفيت وشفت انا منك
الفوالي
والغلا ثبتك يازين الطبايع في سجله
واقطف اثمار الغلا يوم الغلا بالغصن مالي
اقطف الثماره وخلك ياوليفي تحت ظله
يوم جالك يابسن غصنه من
ادهور(ن)اطوالي
وقمت في هداج تيما العذب يالغالي تعله
استلم وصل الغلا اللي مدلك غرب وشمالي
وستلم وصله جنوب وشرق دامك مالكله
استلم وصله وسو اللي تريده لاتبالي
وانت من وصل الغلا تطويه وانت اللي
تفله
والجواب اللي قبل سينه تقدم الاسؤالي
لو كتبته لغز بالاشعار من يقدر يحله
والرفيق اللي ماهو بالضيق والشده
ظلالي
انسف ادياره شمال وبيته المهدوم خله
لوفرش بيته ليا جوه العرب باغلا
الزوالي
ولو ملك مليون قصر ولو ملك مليون فله
مارفعن قدره وذكره لاحصل يمه مجالي
ونعنبوا مال(ن)يحقر الرجل بالعمر
ويذله
وليت بعض الناس ماعقب باهالدنيا عيالي
والنخاوي ليتهن من هفته ماوديله
ليست هناك تعليقات:
إرسال تعليق