بسـم الله ابــدا عـالـم الـسـر والغـيـب

بسـم الله ابــدا عـالـم الـسـر والغـيـب قــدام لابـــدا فـــي قـصـيـد والاقـــوال

وبدي سلامي بالـزرق العـود والطيـب وسـوق خيـل الشـعـر فــارس وخـيـال

لـهـذيــل وهـديـبــان جـيـنــا ولـهـديــب عـز الرفيـق ليـا شكـى عـثـرت الـحـال

اهل الكرم والطيـب واهـل المواجيـب الـلـي لـهـم بـالـعـز والـطـيـب مـنــزال

في مدحهـم ماياقـف الشعـر ويشيـب ومن الذهب يلبس من المدح سلسال

وعن حفلهم لو عندنـا اشغـال مانغيـب ومـن شانهـم نجـل مهـمـات الاشـغـال

يـامـرحـبـا عــــد الـبـشــر بالـتـراحـيـب وعــداد مـاعـد الـبـشـر فـلــس وريـــال

تـرحـيـب بالـمـثـال بـاســم المـعـازيـب نيابـت(ن)عـنـهـم بـاعـذبــات الامــثــال

مثـايـلـيـن مــالــي وراهــــا مـطـالـيـب وللـكـبـر فـيـهـا عـــن الـنــاس مـثـقـال

فــي حفـلـهـم باربـوعـهـم والاجـانـيـب هــلا هــلا مـلـيـون فـــي كـــل رجـــال

ترحيبت(ن)ماناشـهـا الـشـك والـريــب امحصـنـه عــن نـاشـر القـيـل والـقــال

ترحبيـت(ن)مـنـا لـكـسـابـت الـطـيــب مــن ايــن مـاكـانـو كريـمـيـن الافـعــال

مـكـرمـيـن الــجــار عــــز الاصـاحــيــب الـلـي تنـاقـل طيـبـهـم كـــل الاجـيــال

وياشعري اللي ظن شاعـرك مايخيـب ومثبت(ن)فعـلـك مـعـه قـبـل الاقــوال

وهـداج تيمـا الـلـي قــراح المشـاريـب جـمــه يــفــور ولايــبــا دلــــو وحــبــال

ودجبي باجـو الشعـر شرقـن وتغريـب ولاتسـتـمـع فــيــه مـنـافــق وعــــذال

وخـذ هـرج مـن مـرت عليـه التجـاريـب وعــمــره بــدابــه بـالـمـشـاكـل ولازال

لــو ان الــي دون المشـاكـل مجانـيـب جنبـتـهـا والـعـمـر فـانــي ولـــو طـــال

وخليتهـا لصعـيـب ومصـاحـب صعـيـب لـكـن عــن مالله كـتـب مـالـي مـعـدال

اقـفـيـت عـنـهـا ولحقـتـنـي مـهـاذيــب يسـوقـهـا نـــود الـــردا بـــرق وخـيــال

ومـاءهـا مــن العـيـلات كـلـه غـثـاريـب وتـقـطــع مــــن حـلـهــا كــــل لامــــال

ويالفـكـر يــوم الشـعـر جـالـه منـاديـب خـــذ الـوصـايــف لانـشـامــا ولانــــذال

رجل(ن)يوصف بالوصايف علـى الذيـب ووقـت الشدايـد فزعتـه تـشـرح الـبـال

رجل(ن) يوصف في عطيب المضاريب حر(ن)شلـع لصيـد مـن عـالـي الـجـال

رجل(ن)يوصـف فـي كـلاب المغـاريـب كـــذوب بـالـهـرجـه وبـالـفـعـل خــتــال

وقــت الـرخـا تـهـتـال ابـــه بـالاكـاذيـب فعـلـه يـقـص ارقــاب ويكـسـر جـبــال

و وقــت الشـدايـد لايــودي ولايـجـيـب يغـيـب عــن يـوم(ن)شـهـاده للـبـطـال

ومن مايطيـب ويفعـل الطيـب ماهيـب والطـيـب مـاهــو بالـتـجـارة والامـــوال

كـم مـن غنـي ماسـد حاجـت اقـاريـب وكــم مـــن فقير(ن)للمـهـمـات حـــلال

ومن طرد عن حقه مشا فاضي الجيب =وصـادف مـن الايـام عـثـرات وجـفـال

ومـــن يـتـكـل بالله بـاكــل المـكـاتـيـب مـاهــزت عــزومــه كــــوارث وزلــــزال

ولا خلـق مخلوق(ن)ابـه ماذكـر عـيـب لـوهــو نـزيــه ومستـقـيـمـن ولاعــــال

ماسلـم مــن شــر البـشـر بالعـذاريـب حتى الرسـول اللـي مـن الله مرسـال