لاتغتاض يا/// ماحصل مايجيب الغيض
علامك حركاتك تقول انت
مغتاضي
ترى ماحصل مايوجب الغيض والتحريض
نقاش وجدال من الخطا و
الزعل فاضي
وانا يعلم الله مانت عندي خوي بغيض
اقدرك واحطك على
المخطيه قاضي
وان كانك زعلت وتطلب الحق والتعويض
تكلم وانا في كل
ماتطلبه راضي
الله من نفس(ن) جزت من عناها
وهموم وقت(ن)تندبل
القبل الليل
نفس(ن) ترجا لين خيب رجاها
وزرع(ن) زرعته مات قبل
المحاصيل
وبامصورين الكذب ربي بلاها
اللي يدقلهم ابليس
المواويل
عزي لمن مثلي حياته قضاها
باديون وهموم وعذاب
وغرابيل
ويتبع هوا نفسن تعثر مناها
نفسن تخيل ولاتحقق
ماخاييل
وضاقت به الارض الوسيع وفضاها
وصعب خروجه مع وساع
المداخيل
وليا بغاله حاجت(ن)مالقاها
صارت عليه ابعد من
الجدي وسهيل
ومافات مات وكل ناسٍ لها جيل
ودنياك ماجت كل واحد ركضها
كم واحدٍ مات و حياته بهاذيل
بالنومه اللي ماشكى من مرضها
والرزق عند مكون اليوم والليل
وخمس الفرايض للمصلي فرضها
والقل ما يعيب زحول الرجاجيل
لو ماوفت بقروض حين قرضها
ولاتخدم الأموال رجالٍ بخيل
ومالله كتب له لا صرفها عوضها
ولولا الردى والطيب مأحدٍ كتب قيل
وتساوت فعول البشر مع
بعضها
النذل لوهو قالبك ايش ماقال
ماثر عليك بكل هرج(ن)يقوله
يثربك اللي بالمراجل له افعال
وبالطيب ربعه والبعيد شهدوله
اللي لصعبات المهمات حلال
وعز الرفيق وعز ناس(ن)عنوله
اما الردي لوهو ولد ناس(ن)ابطال
مايرفعه طيب الاهل ولبطوله
لو عاش بالدنيا غنين بالاموال
والناس لجل المصلحه صفقوله
يبقا ردي لوهو ولد طيب الفال
لو قال انا مافيه شين ماطول
ليست هناك تعليقات:
إرسال تعليق