في ذمتي مافيه مثلك وشرواك

في ذمتي مافيه مثلك وشرواك=وانت الذي وصفك تعدى حدوده

وانت الذي طبعك مع الطيب حلاك=وهداج تيماء اللي بحور(ن)عدوده

ياصاحبي الله يعفظك بادنياك=وانته ومثلك ثبت الله وجوده

ماجوز انا دونك ولا صلح بالياك=وانت الغلا عديت حده وزوده

 

 

عزالله انك ماتجملت فينا=والا جا منك غير المرض والخساره

مارحت منا الا مريض(ن)حدينا=وعزي لمن حليت منا بداره

ياليتنا بالنصح عنك اهتدينا=وفيك استمعنا النصح والاستشاره

كان ابتعدنا عنك قبل تجينا=ولا صار لك وصلنا تجيبه زياره

ولا فرحوا اعدانا بماصا فينا=وشتب فينا حقدهم منك ناره

 

الموت ماهو الموت والله ولقياه=ولاهو عقاب الله ولاهو عذابه

مايظلم الله عبد في شي ماجاه=ولا يحطله شين ماهو في حسابه

والموت ماهو قل دنيا والا جاه=الموت موت اللي عداه القرابه

ولادمي موته ليا صاروا اعداه=ابوه وخوانه ولاعدا صحابه

 

كلش يهون الا التحايل على الناس=وخذ حقوق الناس خبث ولعانه

وكلش يهون الا التواطي للنجاس=سود الوجيه مضيعين الامانه

وكلش يجوز ابه التنازل ولاباس=الا وطي قدر الرجل والاهانه

وكلش يهون الا حني هامت الراس=ليا نحنا راس الرجل طاح شانه

ومن يتكل بالله ماطاح ونداس=وهزت شياطين الاوادم كانه

 

 

 

ياليت فندي سهوم الموت عدنه=وليته قصر عمر غيره وهو له طالي

وليت الليالي ذخر للوقت خلنه=اللي يف القول بالشده والفعالي

واللي عزومه قويه مايردنه=يارد على الموت مايفكر والايبالي

كم واحدن ماتعود جيته منه=وصابه من الرمي منه هبال وجفالي

والله مايدوج قاص الناس لونه=عايش والا يحط له بدار منزالي

ويندس الا طارت عيونه وشافنه=ومن شوفته يدخله زوغات وهبالي

ولو به جنون الشجاعه مانفعه جنه=وماطاب له حظ قدامه والافالي

ليت المنايا ليا طلب(ن)يردنه=والله لفداه في روحي وفي مالي

 

مشكو يافراج بن زيد عربيد=ولله در اللي على طيب رباك

عميت في دعوتك من دون تحديد=وحددت ديوانك وحييت من جاك

دعوة كرم ماهي لحفل(ن)ولاعيد=وهذا الذي خلا المثايل تنصاك

قليل من مثلك ودعوتك تاكيد=نومست اهلك والابتك في سواياك

الله يحقق ماتمنى وماتريد=والله يزيك خير ويزيد شرواك

 

كادوا وكيد الله فوق الشياطين=علام رغبات النفوس وخفاها

ومهما سعوا بالخبث ماهم بامذين=نفوس(ن)الله من اذاهم حماها

ومن اتكل بالله ولا ضر مسكين=ولا رضا بامور مالله رضاها

لو اجتمع كل البشر له معادين=انفوسهم ماحققتبه مناها