بديت بسم الله المعبود سبحانه
ملاك الارواح والدنيا ومافيها
بديت بسم العظيم المعتلي شانه
اللي بليا عمد سماه بانيها
مكّون الارض وجباله ووديانه
وبايديه الارزاق يقطعها ويعطيها
اللي وهب لآدم ابو الخلق غفرانه
يومه طلب عفو نفس ابليس مغويها
وخلق من آدم بشر بالكون وأوطانه
منه خلق خلق يرزقها ويكسيها
مفرق الخلق باشكاله وبالوانه
والنفس يعلم برغبتها وخافيها
منزل بافضل الايام قرآنه
وأمر رسوله عباده فيه يدعيها
يامر بدينه ووضح خمسة أركانه
وصلاته اللي له عباده تصليها
ومن بعد ذكره نقول الشعر قيفانه
قيفان شعر(ن) لدار العز ناقيها
ولها الغلا عود جاوي فاح دخانه
أبلاد من في أصول الدين بانيها
اللي بشرع الله المعبود سيسانه
دستورها الدين والقرآن قاضيها
اللي قبل جيته بالظلم غرقانه
الدين فيها جهل والفقر واطيها
ومن الفقر ينهب الرجال جيرانه
من الجهل كل طرق الدين ناسيها
ومن قلت الامن تمس الناس زهقانه
تمسي وتصبح بها الناس أبلاويها
وركز بها كاره الا سلام نيشانه
وهدافه اللي يبيها كان لا قيها
يابي يواصل بتخطيطه وكتمانه
وهوية الدين يفنيها بهاليها
لكن ممداه يومه جاه ديانه
هدم نواين قبل بالدين ناويها
وسكر بها الشر في يمناه بيبانه
يمنآ لفت بالكرم من فعل راعيها
ومن الشجاعه وزود العز وإيمانه
وهقوات نفسآ ماغرتها هقاويها
ونصر من الله صار الشعب صدقانه
وساروا ورى دعوة عز(ن) مباديها
ورى من المملكه رمزه و عنوانه
اللي رفع مستواها وعز أهاليها
عبد العزيز آل سعود وسيرة ازمانه
تشهد له الدار حاضرها وماضيها
دار(ن) من أفعال كفه تقل شيهانه
شيهانة ماخسر بالصيد شاريها
شيخ(ن) عسى جنة الفردوس مسكانه
ونفسه عن النار جعل الله يحميها
حر(ن) وخلف حرارآ شانهم شانه
ماغيروا سيرة الشيخ ومماشيها
زادوا على الخير خيرن فوق بنيانه
أملوكنا اللي كريمات(ن) يمانيها
واليوم عهدن لعبد الله وخوانه
برواحنا المملكه والمال نفديها
ونفدى مليك (ن)ماننسى دمعة عيانه
لابنا الوطن يوم ينعاها ويبكيها
وبالخير فعله وصل لناس فقرانه
وسياسته كل خلقه الله تحييها
وولي عهده يمنيه طالت ايمانه
طيبه على الناس قاصيها ودانيها
وكل (ن)شهد له بتقديره وعرفانه
ماتنحصى ناس من ماله يداويها
ونايف عيونه على أمن الدار سهرانه
نفسه على راحة أهل الدار مشقيها
الله يجازيه بالخيرات وأحسانه
اللي أهل الدين مايخلف مناويها
وبالعدل والشرع حكمه بالفعل صانه
دامت حياته وطابت له لياليها
وياللي تبثون هرج(ن) ماله الخانه
ودبلتوا اكبودنا بكلمات نوحيها
والله لتفنى البشر شبه ويشيبانه
وتفنى العذارى من أولها لتاليها
ماتجيب مثل السعود رجال بطرانه
الحكم ماهو مسلطها ومطغيها
وادار بفعالهم صارت تقل دانه
وعلى المعزه مبناةٍ مبانيها
وزاد التطور وغاب الفقر وجدانه
عقب الدهر سال بالخيرات واديها
في كل عامآ يزيد الدار عمرانه
وتوسع الطرق وتزود كباريها
كله على شان شعب الدار وآمانه
دار الكرامه عسى مالله يخليها
دار(ن) غلاها سكن حضره وبدوانه
مافيهم اللي ماهو بالحيل يغليها
يامهبط الوحي والاسلام عنوانه
وقبلت صلاة العباد اللي تصليها
ياموطن الدين والمظلوم مزبانه
لا قام نفسه خطا العدوان يكويها
اللي يسبك عسى الله يقطع لسانه
وعسى حياته بهم وضيق يقضيها
وبيت(ن) على الدين ثبت ساس جدرانه
وأهله على العدل واليها مربيها
يموت رجالهم ماشاف حقرانه
وناس(ن) بالافعال ترض الله يرضيها
وأميرنا طفرت الدمام برهانه
لابن فهد تشهد وتشهد ضواحيها
وشرق البلد والبلد يشهد وسكانه
بفعاله اللي على الشاطي مسويها
والنايب اللي وصل طيبه لعربانه
أفعول طيبه محد بالعد يحصيها
ابن جلوى والعدل والحق ميزانه
أصعب قضيه على يمناه ينهيها
مثل المطر فزعته لا هلت أمزانه
تفرح به الناس والاشجار يحييها
ليا كسا الارض في سيله وغدرانه
يشفي نفوسآ شقى الايام طاويها
وببلادنا مانطاوع ناس مرضانه
ناس(ن) طغاها عن الايمان معميها
وقلوبها بالحسد والحقد مليانه
ونفوسها أبليس بالفعال مغويها
ناسآ على من رزقه الله منانه
رزق البشر تقل يدفع من مخابيها
وعند الشهاده يبين الرجل وأيمانه
أحدن يقول الحقيقه واحد يخفيها
تكفون يأهل البلد أقفوا لعدوانه
لعدا بلاد الاسلام ومن يواليها
الله يعز الوطن والدين وعوانه
ويكشف خفايا العدا اللي تعاديها
دار(ن) عليها نفوس الخلق شفقانه
والعمره وحج بيت الله براضيها
حنا فداها ان قام الحرب نيرانه
وروح من شانها للموت نهديها
اخترت لك من حزيل الشعر وسمانه
مثايل بعظمة الآ له باديها
ولحط الشعر ورماي نيشانه
أرم الاشاره وبآذن الله ماخطيها
صلاة ربي على محمد ورضوانه
على محمد واله دوم نثنيها
بدولة اللي عزها بالحكم وبفعله حماها
يوم حط السيف والنخله على قصر اليمامه
الشجاع اللي بضرب السيف واليمنا خذاها
ماهو في حب الخشوم ولا انتخاب(ن)حل عامه
البلاد اللي بشرع الله ودينه مبتداها
قبلة الاسلام دار العز والدين ونظامه
الله اللي عزها بالدين والحكم وعطاها
منبع البترول واكبر دولة(ن)منتج لخامه
في ذرا ملوك (ن) تجي كل الدول لوحت نداها
الملوك اللي في ارض الله تعلوا بالزعامه
اسعد الله كل صبح المملكة واسعد مساها
واسعد الله شعبها والامن فيها الله دامه
باسم الذي تسجد لوجه عبيده
واللي ابه كل البشر تستعينا
اللي فرض صومه وحجه وعيده
وهو الذي له يرفعن اليدينا
يوم الوطن في كل عام(ن)يعيده
بامن وخير وعز كل السنينا
بديت بسمه قبل مابدا القصيده
وبعده تحيت طيب للحاضرينا
تحيت(ن)الاهل الفعول المفيده
أهل الوفا والطيب والغانمينا
في ليلة(ن)غير الليالي فريده
ويوم(ن)جميل وليل بمثله ثمينا
يامرحبا مليون مره وأعيدة
بأرامكو واللي بها عاملينا
جعل التطور لك سنين عديدة
من جيلنا لأجيالنا القادمينا
نعم وصلنا شي حنا نريدة
وحنا نحسبه قبل صعب(ن)علينا
بجهود حكام(ن) بالأريا سديدة
وبأدارة(ن)فيها النزاهه لقينا
وفي كل عام(ن)فيه خطة جديدة
لين أن حنا لتطور رقينا
وشبابنا الله بالمواهب يزيدة
من مدراء لكتاب لمهندسينا
ومن امن لفني تعلم بيدة
وبحاره وطيار ومشغلينا
وعشرة قيم رسمة علمنا وأكيدة
وبا((لامتيازو بالاداء ))بينينا
و((تطور(ن)للعاملين))ونجيدة
وبا((لعدل ودروب النزاهه))بدينا
و((روح الفريق)) بحل أمور(ن)شديدة
وبا((لحفظ بدروب السلامة)) مشينا
وفينا ((التجاوب)) مع نفوس(ن)وديدة
و((بحفاظنا على الموارد))بقينا
وفينا ((الثقة ))مع ديننا والعقيدة
و((تحمل مسئولية ))الشغل فينا
ونعمل وننظر للامور البعيدة
و((لمواطنة)) بلادنا مانسينا
يابلادنا عسى ليالك سعيدة
ومن كل شر(ن)يالوطن تسلمينا
ومنهو نواك بشر الله يبيدة
الله يحذفة قبل فعله يجينا
الكل منا بالشدايد وليدة
وبرواحنا يابلادنا لك فدينا
ويالله تعز الدار واكرم شهيدة
واكشف خفا اللي للعهد خاينينا
ومن كاد كيدالله يرده كيدة
وعشتي بأمن ياقبلة المسلمينا
والحكم وافي والحكومه رشيدة
فينا رضوا وحنا عليهم رضينا
ويمنا بلا يسرا ضعيفه وحيده
ولاتنفع اليسرا بليا يمينا
و وعلى والنبي صلاة ربي مديدة
على محمد سيد المرسلينا
اجمل اخبر هذا الشهر بين الاخبار
شفى ولي العهد راع الجمايل
واجمل خبر نفس الشهر صار تكرار
موافقت نايف مع امير حايل
امرن صدر بامر طويلين الاعمار
والاهل الرقب بشرا من اهل الفضايل
اللي يجف بمدحهم حبر واشعار
حبر القلم لوهو من البحر سايل
وبالمدح في نايف رجاجيل تحتار
طيبه بحر يتعب بالامثال قايل
درع الوطن وسؤ ماكر وغدار
وبسياسته تات الصعايب ذلايل
سيف(ن)على الظالم مسلط وبتار
وبالحق غيث حيا ديارن محايل
وامير حايل جيته خير وامطار
حرن جمع بالوصف كل الخصايل
حايل منه غدت نواوير وازهار
واكرم بها بالفعل كل الفصايل
سعود طيبه غيث وافعاله انهار
ووسم(ن)لمزنه كل واحد يخايل
تباشروا بامطاره صغار وكبار
وكل(ن)منه واديه بالخير سايل
حكامنا بالعدل وافين الاشبار
ال سعود مثبتين الفعايل
باطهر بلد بالارض واللي لها شعار
على علامها الله ولا له بدايل
بلد جميع الخلق من كل الاقطار
ماحدن بها يخاف ظلم ونكايل
فيها بحكم الله خلق الله احرار
وحكم الشريعه ضد ظالم وعايل
وكم واحدن في دولته ذاق الامرار
وعاش بوطاها تحت شمس وقوايل
ولاخذ بها حقوقه ولا يطلب الثار
وهنا غدا لسانه على الحق طايل
ومنها تقاعد ماشكا ظلم والضرار
ينزل فقير ويرجع بخير شايل
في ذمتي يانفوس الاعدا ولاشرار
يالممكه مالها وصوف ومثايل
وان كان للانسان حقوق لاصار
عليه ظلم وحرف(ن)الدلايل
بالمملكه حقوق الانسان تندار
ماهي بابلدان الخزا والرذايل
دارن بها مكه وطيبه وبالغار
فيها رسول الله تلقى الرسايل
من واحدن بالغيب يعلم بمصار
عليه مايخفى جميع العمايل
وفي حكم من لامست عظامه النار
اللي جمع بين الحضر والقبايل
عبد العزيز اللي بقى رمز لدار
(ومثله مولدن ناقضات الجدايل)
حر(ن)وخلف عقبه شيوخ وحرار
زادو على حكمه تطور هوايل
وبقوا على نهجه حكيمين الاشوار
وحكمه بقى ماله من الخلق زايل
ماتغيره حضارت عيال كفار
وحكم(ن)ماهو بالشرع هابي ومايل
واليوم حكم القايد الولد البار
اللي عساه بخير والعمر طايل
ياحايل نيوز لك عليه جمايل= عن ديرتي كل الخبر
فيك لاقيه
و أشوف مجهودك مهو قول قايل=و مع الأمير الشكر
بالجهد نثنيه
تستاهلين إشادة أمير حايل=أميرنا اللي طول الله
لياليه
أميرنا اللي عزنا بالفعايل=ابن السعود اللي رقى
المجد عاليه
و الطيب ساسه بالجدود الأوايل=سعود ذخر الشعب و
الطيب راعيه
ماهو بأمير بدون فعل و دلايل=حايل يا مدن
المملكة تفتخر فيه
فيه الكرم لمجاد حايل هوايل=و فيها التطور
مبتدٍ من مباديه
من شأنها مرتاح صبح و قوايل=يسعى لها الله لا
يخيّب مساعيه
غيثٍ سقا أرضٍ من دهرها محايل=و أحيا بها عودٍ
سنا القيض كاويه
عساه ما يشوف الشقى و النكايل=و الله من كل
الصواديف يحميه
يا أمير لك نسوق جزل المثايل=لو الشعر مدحك
صعيبٍ يكفيه
يا أمير يا وافي جميع الخصايل=ياللي علومك
ماحلقتها مشاريه
يا من لك تات الصعايب ذلايل=و رمز الفخر و
الطيب لا حل طاريه
يابن الملوك اللي تشيل الثقايل=دون الدخيل ليا
وصلتهم نخاويه
لو ولّعت للحرب رؤس الفتايل=لدخيلهم ماحسبوا في
بلاويه
تقدموا له بالفعول الصمايل=و أبروا غليل دخيلهم
من معاديه
يا أمير ياراع الفعول الجزايل=يا مزبن المظلوم
لا قل وآليه
لاجاك يشك الظلم من يم عايل=بالحكم في حكم
العداله تجازيه
لا جاك يشكي من خبيث العمايل=يرجع منك معطيه
حقه و مرضيه
لأنك ولد من لم شمل القبايل=و حكمه بشرع الله و
الدين قاضيه
اللي حكمها بالسيوف الصقايل=حكمٍ بشرع الله
قامت مبانيه
حكمٍ بشرع الله و لا له بدايل=و حكم الشريعه ما
خسر من حكم فيه
حكم الشجاع اللي ذبحله نزايل=و على الكرامه و
النزاهه مرسّيه
حكم الشجاع اللي للأمجاد طايل=عبدالعزيز اللي
بفعله منقيه
اللي عدل بالحكم بدو و عوايل=الله بالجنه و
الاحسان يجزيه
و خلّى البلد ماله وصوف و مثايل=و خلّف لها
رجالٍ مشو مع مماشيه
لعل حكم المملكة ما هو زايل=بجاه من عبده لا
ضاق يرجيه
و عدوها اللي في ضميره غلايل= الله يبيح قبل الفعال خافيه
والله انك عندنا غالي وفوق اوصاف غالي
وانك انت اللي جرا غلاك وسط الدم كله
راسين غلاك يالغالي مثل مرسا الجبالي
مايتغير دام انا عايش باقلبي عن محله
لنك انت اللي وفيت وشفت انا منك الفوالي
والغلا ثبتك يازين الطبايع في سجله
واقطف اثمار الغلا يوم الغلا بالغصن مالي
اقطف الثماره وخلك ياوليفي تحت ظله
يوم جالك يابسن غصنه من ادهور(ن)اطوالي
وقمت في هداج تيما العذب يالغالي تعله
استلم وصل الغلا اللي مدلك غرب وشمالي
وستلم وصله جنوب وشرق دامك مالكله
استلم وصله وسو اللي تريده لاتبالي
وانت من وصل الغلا تطويه وانت اللي تفله
والجواب اللي قبل سينه تقدم الاسؤالي
لو كتبته لغز بالاشعار من يقدر يحله
والرفيق اللي ماهو بالضيق والشده ظلالي
انسف ادياره شمال وبيته المهدوم خله
لوفرش بيته ليا جوه العرب باغلا الزوالي
ولو ملك مليون قصر ولو ملك مليون فله
مارفعن قدره وذكره لاحصل يمه مجالي
ونعنبوا مال(ن)يحقر الرجل بالعمر ويذله
وليت بعض الناس ماعقب باهالدنيا عيالي
والنخاوي ليتهن من هفته ماوديله
دنياك يالادمي مهما حييت ابها
فقير والا غني ماهي بامضمونه
ولو انت حاكم بلد بالعمر عشتبها
الموت حاصل ولا لك صدت(ن)دونه
لاكن في هالحياه عمال تكسبها
لدنياك والاخره والنفس مرهونه
النفس مرهونت(ن)بعمال صاحبها
والغيب عند الذي خلقه يعبدونه
وبيديه الاعمار والارزاق يكتبها
ويشوف خلقه ويدري وش يسوونه
وحسنه وسئيه رفيع الشان حاسبها
والرجل من يكسب الناس ويعزونه
وكلمت لسانه قبل تطلع يراقبها
والغيب خافي وصعب الناس يقرونه
لو السوالف تبيح سد كاذبها
وابليس له ناس بالدنيا يحبونه
ناس(ن)عسا الله يفنيها ويذهبها
يامر عليهم وهم لامره يطيعونه
ناس(ن)تشت على شانه اقاربها
ويطلبهم الشرك بالمولى ويعطونه
قلابة الحكي جعل الله ينكبها
اللي يقولون شين مايشوفونه
ودايم علوم الردا منهم سبايبها
ولايثبتون الكلام اللي يجيبونه
ناس(ن)تولف علوم وناس تكتبها
وقلوبها بالحسد والحقد مدفونه
اليوم حتى الرجل عينه يكذبها
هذا زمان السباع اللي يقولونه
الشاه تلعب مع الذيب ويلاعبها
والرجل دقنه مع الاشناب محسونه
وينقد هل الدقن ويعيب مذاهبها
كذا المره كيف والرجال وشلونه
اجل يحق المره تفتل شواربها
وتاطا على غارب الرجال ومتونه
والنفس ماكثر باهالدنيا مطالبها
مايرضي النفس صعب الناس يحصونه
و ليا جهلت الامور اسئل مجربها
كم واحدن شاهد النكبات بعيونه
وليأ عطتك الليال السود غاربها
و نباح سدك من الايام مكنونه
وهبايب الكذب عاثتبك هبايبها
والكذب قامو عليك الناس يرمونه
ولاصار نفسك نزيهه لاتشكبها
والكذب لوطال ذهب الكذب مخزونه
وحقوقك اللي تبا الانذال تسلبها
بالكذب والغدر حقك لاينوشونه
ودنياك محدن سليمن من مصايبها
كم نفس باتت باليا اسباب مسجونه
ومن دون حقك لا أبله حيل خربها
ومس الحبل دون حقك لو يمسونه
لو ينقطع والعفون الفعل يغضبها
قطعه و لايحققون اللي يريدونه
وحث الخطا يم حقك لو يتعبها
مثل ماهو في رجا ء كسبه يحثونه
و الناس ماتعيب الا من يعيبها
من عيب الناس فيه العيب يلقونه
والنفس لاشفتها ضاقت تمشبها
ارض(ن)خليه قليل اللي يدوجونه
وابعد عن الضيق في نفسك ولاعبها
وارج الذي كل خلق الله يرجونه
اللي لعبده غناته مايشحبها
وليا عطا الرزق خلقه مايردونه
وسوق الركايب وشرقها وغربها
هذا مثل قيل والعالم يغنونه
الناس اجانيب ليننك تصاحبها
تصير منهم ومن ضامك يضيمونه
وماتعذب نفوس غير الله معذبها
و لله دبره بهذا الكون و بشونه
دنيا تهول و تهتال ابتقلبها
كم حاكم(ن) خلته ياتي على قرونه
من عقب ماهو على شعبه يمونبها
امسا امام البشر خده يدوسونه
وعزي لمن بالعمر دنيانه ظاعبها
و عداه لهدافهم قاموا يسوقونه
والنفس من شانهم لظلم يجلبها
و بالحقد والحسد والنمه يغذونه
حتى نجوم الظهر عينه أتحسبها
وعن العدل والوفاء والعز يعمونه
و لا يهمه إلا عداه الفعل يعجبها
ماهمه اهل المراجل لو يسبونه
ومن لاحسب للعدا دنياه شاببها
مكروه سمعه وربعه مايدانونه
ومن عاش دنياه عز باعز ماتبها
فقيد دنيا وكل الناس يبكونه
ماهو بنجس(ن) مواريده يغثربها
ويبحث عن امور مخفيه ومدفونه
|
راكـب اللـي لا مشـا والا
وقـف بالوصـف كـنـه
زول
حر(ن) من يـد الصقـار طـار ولحـق صيـده
|
|
والمـزايـا بالسـعـر عــن
سـعـر غـيــره زودنـــه
صنعـت
اليابـان جـيـب وفـيـه ميـزاتـن جـديـده
|
|
منـوة اللـي ضـاق بالـه
والهواجيـس ازعجـنـه
طاريـلـه
ديـرتـآ مــن دونـهـا الـطـرقـه أبـعـيـده
|
|
ديـرة اجـداده وفيهـا
عايشـآ مـن صـغـر سـنـه
مع
وليف(ن) من صغر سنه على السنه يريده
|
|
كــل مـالاحـت بــروق
الـمـزن صـوبــه ذكـرنــه
والحـوال
مصلّحـه والديـن يخصـم مـن رصيـده
|
|
مـاقـداه الا سـهـر
عـيـنـه وونـــه خـلــف ونـــه
حالـتـه
قـشـرا وحــال أبــوه وخـوانـه زهـيــده
|
|
ولا حـقـه مــن يــم
ديـانـه وراع الـقـرض مـنـه
كــل
ماجـالـه مـجــال(ن) قـالــو الله لا يـعـيـده
|
|
طيب(ن)وظروف وقته عن هواء
نفسـه حدنـه
مااهتنى
كل الحياه ولانبسـط فـي يـوم عيـده
|
|
وخاب بابـن العـم وابـن
الخـال والاقـراب ظنـه
حاسبـن
نفسـه مـدى عمـره بهالدنـيـا وحـيـده
|
|
شف شعور الشعر منكوب
الزمن كيف وصفنه
وأبـتـدن
فــي قصـتـه وايــام لوعـاتـه قصـيـده
|
|
كنهـن عـن ماحصـلـه
يـاهـل الـعـرف انشـدنـه
واجهنه
في عنى نفسـه وبظروف(ن)شديـده
|
|
قلتهـا يـوم الهـمـوم
القـلـب للـذكـرى شلعـنـه
فـي
زمانـن فـات وايام(ن)معـه كـانـت عنـيـده
|
|
لـو ظـروف الوقـت درس
ومــن يجـنـه علمـنـه
والتـجـارب
والـظـروف دروس بالدنـيـا مـفـيـده
|
|
كم صديق(ن)مثـل عيـن
الرجـل قبـل يطلعنـه
لاطـلــب
يعـطـيـه مايـمـلـك ومـاكــاده يـكـيـده
|
|
انـخـدع بعـلـومـه
الـلــي بالمـجـالـس كـبـرنـه
حاسبـه
عنـده بهالدنيـا مثـل حسبـت عضـيـده
|
|
وبـان علـمـه يــوم دار
الـوقـت وايـامـه وطـنـه
وبـان
خافيـه وتبيـن خـبـث دمــه فــي وريــده
|
|
عنـدي الطيـب غنـاتـي
والــردي فـرقـاه جـنـه
لويكـون
اقـرب قريـب الله يعجـل فـي شديـده
|
دام أنا
ماخطيت وذنبت ليش أجفل وهاب
والله اللي
يكتب الرزق ويغفر الذنوب
ماحسبت لراعي
الكذب و النمه حساب
وكل يوم يمر
و يطوف بالعمر محسوب
الصحيح أيبين
والكذب بالدنيا سراب
لو يطول
الوقت من صاحب الكذب محجوب
ومن يخاف
الله ويرجي منه عز و ثواب
مايهزه هرج
مليون نمام وكذوب
ولايصح الا
الصحيح ولا يضرالا أصواب
لو يهب الكذب
للادمي من كل صوب
أعرف الرجال
بالهرج و أخذ له أحساب
وعطي لعرفي
مجاله وبرق بالسلوب
وماشين درب
الصراحه ولا أكذب بالجواب
ومارجيت أصير
عندأهل الكذب محبوب
ولاسعيت افتح
لبث الفتن والظلم باب
ولا تتبعت
الاوادم الدور للعيوب
خلهم لو ولفم
في بالنمه كتاب
الجبل ماتهزه
اعنف باهالدنيا هبوب
ما حسبت
حسابهم بالحضور وبالغياب
ولو تناجوبي
من الصبح الوقت الغروب
وأكتب
الاشعار من تجربة عزر وعذاب
ومن ظروفآ
زالها الله فراج الكروب
وكان عيبي بس
قلي وتعطير الثياب
نعنبو مال(ن)
رفع قيمة التيس الطنوب
|
جلست لي جلست عصر قبل الادماس
عـصــيــر تـــــو الـلــيــل مــقــبــل ظـــلامـــه
|
|
برضـآ هـواءهـا ينـعـش الــروح نسـنـاس
والــــجــــو غــــايــــم ويـــتـــزايـــد غـــمـــامـــه
|
|
يشـيـلـنـي ويـحـطـنـي جـــــرح الـحــســاس
مــــــن الـحـســايــف والـــزعـــل والــنــدامــه
|
|
واصلت ليلي من عنى الوقـت منحـاس
مــثــل الـمـريــض الــلــي تــكـــدر مـنــامــه
|
|
الـلـي مــاذاق الـنــوم مـــن قـــو الـونــاس
مــــن عـلــتــآ مـاتـنـعــرف فـــــي عـظــامــه
|
|
ويسـبـح بحرهـم(ن)بـلا حـــدود وأقـيــاس
ولا عــــاد يــــدري وش خــلافــه وأمــامــه
|
|
مـن قــوة أمــواج العـنـى شــاف الأيــاس
غـــريــــق بـحـر(ن)مـاحـصـلــه ســـلامــــه
|
|
وحـبـت خـشـم خسـارتـآ عـنـد الانـجـاس
وخــســارتــآ تـــبـــع الـــــــردي وأحــتــرامـــه
|
|
خــل الــردي لــو للـكـرم يـذهــب أكـيــاس
لا رحــــم أبـــــوه ولا رحـــــم الله عـظــامــه
|
|
مــاقـــام عـــــزه يـــــوم الاريــــــاق يـــبـــاس
رزقــه عـلــى الـلــي ينـطـحـون الجـهـامـه
|
|
والــيــوم يـبـغــا الــعـــز يــامـــال الــفـــلاس
عـقــب لـبــس ثـــوب الــــردا و الـمـلامــه
|
|
الـرخـمــه الــلـــي مـايـحـســب لانــومـــاس
أبــــن الــرخــوم الــلــي كـسـتــه الـرخــامــه
|
|
فــي ذمـتـي مايـرفـع أبــن الـــردا الـــراس
لـــــو هــــــو كـــريـــم وزايــــــدن بـالـكــرامــه
|
|
بــانــت عــلامــة الـقـيـامـه مــــع الــنـــاس
بــايـــا زمـــــن يــمــكــن تـــثـــور الـقـيــامــه
|
|
قــام الــردي ينـقـد عـلـى طـيــب أســـاس
والـحــر فـــي صــيــده طـمـعــت الـحـمـامـه
|
يادار وين اللي قصورك بنوها
اهل القصور اللي بنوها
من الطين
واللي عدودك بالشجاعه حموها
رجالن باقول وفعل يادار
وافين
واللي علوم المهزله ماقبلوها
اهل الكرم والطيب والعز
والدين
واللي بيوتك بالكرم عمروها
وتجمعوا فيها على العز
والزين
وابوابها يادار ماسكروها
ومظيف لقرابك
وناس(ن)بعيدين
والنار للبن الثمين اشعموها
ومامر يومن ماهو فيها
متقهوين
وجموعهم بالحقد مافرقوها
متكاتفين الكف بالزين
والشين
ولياحصلت مشاكل(ن)صلحوها
واهل الخلاف امسوا من
الصلح راضين
وحياتهم في التعاون مضوها
ما يشتكي مديونهم طالب
الدين
ومقلهم حاجات نفسه قضوها
من قبل لايشكي تجيه
المعاوين
وديارهم وبيوتهم ماهجروها
فيها جلسوا بالعسر
واليسر والين
اقفوا ولاتقل البيوت اسكنوها
متهدمه تبكي على شوفها
العين
وابيوتهم اسلافهم سيبوها
ولاحفظوها تراث لا ناس
غالين
شيباننا اللي دارنا زينوها
ياليتهم بقوا على طول
حيين
وليت المنايا ماصدفتهم وجوها
ولاماتوا وماتت ديار
وبساتين
وعزي لرجل(ن)ديرته غادروها
ربعه وشالوا عن دياره
مقفين
ولاصار مافيها المعزه لقوها
وامسوا بها من المشاكل
سليمين
لو هي اديار اجدادهم مابغوها
وعنها قضوا كل الحياه
متنحين
ناس(ن)شتات اربوعهم جمعوها
وناس(ن)على فرقا الربوع
امتهنين
ويالعين هلي دمعتك كلبوها
وابكي على ماضي ديارك
وذلحين
لو حال دارك غيرنا مابكوها
حنا على ماحل فيها
حزينين
يالعبد الاتشكي همومك على الناس
شكوى لغير الله ضعف ومذله
وليا وطاك الظيم يالعبد والاباس
عنز على اللي خالق الكون كله
اللي منه ماينقطع حبل الاياس
وصم الجبال الراسيه يسجدله
وسعى لرزقك والعمر ضيق واوناس
ورج الذي كل البشر تحت ضله
وكبر وهلل للولي صبح وادماس
كبر وفرض الله ل الله صله
وصبر على جور اليالي والاتعاس
والصبر لوطال العنى لاتمله
وابعد عن الانجاس وعيال الانجاس
وراع الردا لوهو ولد عم زله
وخلك مع اللي سمعته ترفع الراس
وذكره وصيته بالكرم شاهدله
اللي لياجيته بالاوضاع منحاس
يقوم لك ويكرمك في محله
لوهوه من اقصا الناس ياطيب الساس
يسوى قريب(ن)مايظل لك ظله
ولاتنخدع في قرب ماكر وبلاس
وابعد عن اللي فيه شبهه وخله
ومرد راع المكر لبنوك الافلاس
لو المكر عطاه منصب وفله
وراع المثل قد قال الاهب نسناس
قله بماقاله وماقلت قله
من مايدوس الراي يقدام ينداس
عليه ديس ومارجا ماحصله
وماكل طيرن يابيض الوجه جنراس
لويشبه الجرناس في منظرله
مثل البشر ماهو سوى اشكال واجناس
وكل(ن)على المربا نشت عادتله
وكل(ن)لرغباته باهالعمر عساس
ودرب الردا والطيب كل(ن)يدله
والله خلق لللادمي شوف واحساس
وكل(ن)نظر عينه على حاجتله
ون ماحفظت الراس من ضربت الفاس
بالراس بانت للبشر ضربتله
واللي يعاعي مثل متعاع الابساس
عله ومن خاواه غثه وعله
|
يالعين ويـن أنتـي عـن النـوم يالعيـن
هاللـيـل نـومـك مبـعـداتـآ
ظـعـونـه
|
|
والله لــو أنــك عـلـى الـنـوم تبكـيـن
النـوم حــال الضـيـق دونــك
ودونــه
|
|
ميـر الصبـري لا عـاد للقلـب تشكيـن
ويزيـد قلبـي مــن عـذابـك
طعـونـه
|
|
وتكفيـن لا تزيـديـن مـافـي تكفـيـن
مابـي خفـي مابـا البشـر
يبخصـونـه
|
|
والـسـد لا مـنـه طـلـع بـيـن الاثـنـيـن
قـامـوا مقـاريـد الـبـشـر
ينـشـرونـه
|
|
والصبـر مفتـاح الفـرج ذكــر بـاديـن
وكم واحدن شاف الفرج في عيونـه
|
|
والله فـرج ليـوب عقـب مرضـآ شـيـن
وعقـب مـاذاق مـن الحيـاه
المهونـه
|
|
عقب ماكل جسمه من الدود ثلثيـن
جـاه الـفـرج مــن واحــدن
يرتجـونـه
|
|
كـل البـشـر أهــل غـنـاه ومساكـيـن
لــه يرفـعـون كفوفـهـم
يطلـبـونـه
|
|
لواحـد الفـرد الصمـد فــارج الـديـن
عالـم باغـيـب الخـلـق لــو
يكتمـونـه
|
|
يالله يـافــارج مـــن الـعـســر لـلـيــن
يامـن تـسـوق الـريـح بـامـره
مـزونـه
|
|
لرضآ دهـر يبـس شجرهـا مـن سنيـن
ومـن الدهـر هشـم وماتـت غصونـه
|
|
يامرجعـلـه عـقـب مـاصـار قسمـيـن
عـــوده ولا فـــآ الـهـبـايـب
ركــونــه
|
|
ياكتبـآ عـشـرة عـمـر بـيـن شصخـيـن
ذكــــر وأنــثــى بـسـنــة
يتـبـعـونـه
|
|
ومــن أدم وحــوا خلـقـت المـلايـيـن
وفرقـت بيـن الخلـق شكـلـه
ولـونـه
|
|
اسـود وابيـض بــس بالخـلـق لونـيـن
والشكل أحسب أرضـآ بهـا يسكنونـه
|
|
هـذا مـن أمريكـا وهـذا مـن الصيـن
وكـــلآ بشـكـلـه ولـغــه
يـعـرفـونـه
|
|
وكـل لــه مـذهـب وديــن وقوانـيـن
ومشى بطريـق أهلـن قبـل يعبرونـه
|
|
يامعـامـلـن بـنــي سـرائـيـل بـالـزيـن
وموفـر(ن)مـايـطـلـبـون
ويــبــونـــه
|
|
خلقه ونفـذ ماطلبـوا وهـم طاغيـن
وكـــرم نـبـيـن بالـطـلـب
يرسـلـونـه
|
|
عنهم عفى في كل ماهـم ماسويـن
وهـــم كـتـابــه كــانــو
يـحـرفـونـه
|
|
ويـوم أنهـم خانـو وصـاروا شياطـيـن
وخوفـه وعفـوه واصلـوا يجهلـونـه
|
|
مـن تحتهـم ارضـه جعلهـا بـرا كـيـن
وخل الا مـن فـي بيوتهـم يفقودنـه
|
|
وخلقه سـوى عنـده بكـل الموازيـن
كـانـوا عــرب والا عـجــم
بالنـمـونـه
|
|
مـاكــرم الا خـلــق لـجـلـه مصـلـيـن
لــه يسـجـدون وبالـخـفـا
يسئـلـونـه
|
|
اللـي لهـم فـي ماكتـب رزق راضـيـن
وماجا منـه لـو هـو شقـى يقبلونـه
|
|
اللـي علـى كتابـه ومافـيـه ماشـيـن
ومارسـل رسـولـه فـيـه
ماينكـرونـه
|
|
ذولـى الرجـال اللـي بالفعـال وافيـن
والـلـي وســام المرجـلـه
يلبسـونـه
|
|
الـلــي بــحــب الله والــعــز نـاشـيــن
والـلــي رزقــــه الله
مايـحـسـدونـه
|
|
هــم الــذي عـاشـوا بـربـح الحياتـيـن
وعـنـد المصيـبـه ربـهـم
يشـكـرونـه
|
|
واللي باعيب الناس ماهـو مضاهيـن
والله ستـرمـن شـوفـهـم
يسـتـرونـه
|
|
وعـاشـوا عزيزييـنـآ ومـاتـوا عزيـزيـن
واللي مشـى درب الخطـا ينصحونـه
|
|
يـــاالله يـاكـافـل حـيــات المعـاقـيـن
يـارازقــن طـيــره وسـبـعـه
بـكـونـه
|
|
يـارب ياللـي ماتبـا يكـون فــي حـيـن
يـانـاصـر بـالـديــن مــــن
يـنـصـرونـه
|
|
يامـجـريـن دم الـبـشـر بالشـرائـيـيـن
عفـوك قـبـل لــي القـبـر
يحفـرونـه
|
|
يـــارب لا مـنــي تــركــت المـحـبـيـن
ابــا السـتـر والخـيـر لــي
يـذكـرونـه
|
|
وعفـوك مــن ذنـوبـآ علـيـه ملايـيـن
بايومـآ بــه العـالـم جـبـر
يحضـرونـه
|
|
يومآ حضوره مايحصـل فيـه بعديـن
يـومــآ تـغـيـر فـيــه أمـــن
حـنـونــه
|
|
يـوم أختبـار اللـي باهالعمـر لا هـيـن
الـلـي ورا مــال الشـقـى
يـطـردونـه
|
|
وبالعـمـر مـاسـروا بعـيـد وقريـبـيـن
وماحـصـلـو باوجيـهـهـم
يلهـمـونـه
|
|
ولا همهـم نـاس مــن البـعـد عانـيـن
وقـريـبـهـم والــجــار
مـايـقـدرونــه
|
|
نـاســآ سـعــاره بالـحـيـاه ومجـانـيـن
أقــرب قـريـب لـيـا حـصـل
ياكـلـونـه
|
|
وقت السعـه بالهـرج ماهـو بسطيـن
أقـــوال والا الـفـعــل
مايضـمـنـونـه
|
|
ولا شفتهـم تقـول وش هالسلاطيـن
الـطـيـب لـــو أنـــه بـحــر
يشـربـونـه
|
|
ووقت الشدايد ماحدن فيهـم أيبيـن
والــبــاب لـلـمـحـتـاج
مايـفـتـحـونـه
|
|
والـطـيـب لـــو انـــه لـنـاسـآ غنـيـيـن
ان كـــان ثلـثـيـن الـعــرب
يتـركـونـه
|
|
ماطـاب بالـمـوال كـامـل والبابطـيـن
الـلــي بـلــد بامـوالـهـم
يـعـمـرونـه
|
|
الطيب ملك اللي على الطيب ضاريـن
لـو الفـقـر عـضـت أيديـهـم
أسنـونـه
|
|
اللـي لهـم بالطـيـب ذكــر وعنـاويـن
لو هو سبـب فـي فقرهـم يشترونـه
|
|
اللـي كرمهـم مـع بعيديـن وادنـيـن
وخــف الـقـدم للمرجـلـه
يتعـبـونـه
|
|
ولا يذبـحـون ليطفـهـم دون ثنـتـيـن
لــو أنـهـا ديـــن وعـقــب
يدفـعـونـه
|
|
واللـي لهـم ذكـرآ يـسـر الحجاجـيـن
ويحـشـمـون الـظـيــف
ويـكـرمـونـه
|
|
وكـلآ يـراقـب كلمـتـه قـبـل لا تبـيـن
الـهــرج قـبــل بـدايـتـه
يفـحـصـونـه
|
|
مـن شـان ماياتـون بالهـرج مخطـيـن
ومـن جـا خطـاه بــلا سـبـب
يدبـونـه
|
|
وليـا عطـوا يعـطـون رؤس البعـاريـن
شـطـرآ قـبـل مقـيـول زلــت
حتـونـه
|
|
قوم(ن)بفعل الطيـب دايـم ماسميـن
طـبـع(ن)ولـد مـعـهـم ولا
يتـركـونـه
|
|
سبحـان مـن لـه يسجـدون المصليـن
خــلاق كـــون الـنــاس
مايعلـمـونـه
|
|
وجـيـال تخـلـق فـيـه وجـيـال فانـيـن
وكــل حـفــظ للـجـيـل
مايفعـلـونـه
|
|
تحفظ قصص وشاعر وسط الدواوين
وحيـن بقـى عـن مامـضـا ينشـدونـه
|
|
وتبقـى علـوم الطيـب والطيـب يبيـن
والا الـردي منـسـي قـبـل
يدفنـونـه
|
|
وعزي لحال اللي عن الطيـب مقفيـن
يـنــزلــون الــــــراس
مـايـرفـعـونــه
|
|
والـلـي فعـولـه ماعلـيـهـا بـاراهـيـن
هـرج الـكـذوب الـنـاس
مايهرجـونـه
|
ياهامت طويق
مدري يابحر جده
ياموكب
الطيب في حله وترحاله
يامن تزيد
الوفا والطيب وتمده
ويامن
بعال الكرم والطيب منزاله
لي مده أمسك
أعنان الشعر ورده
واليوم
جالك يلوح البرق بخياله
جتك المثايل
تفاخر فيك منهده
والشعر
جالك وجاك الشعر زرفاله
وشلون طيبك
ابا احصي بالشعر عده
ماينحصا
الطيب فيك وصعب موصاله
وانصاف طيبك
ابحور اوساع ممتده
وفضا
به الخلق رحاله ونزاله
اي والله أقوم
بالماجوب والسده
وأن
ماقويته أحاول فيه وسعاله
ولاني من اللي
لبس ثوب(ن)ماهو قده
والا
خير باللي مايثبت قوله أفعاله
لو كل
نفس(ن)تقول الصدق وتعده
ماصار
به حكم عدل وناس محتاله
والرجل محدن
يعرف اللي ورأ سده
أن
كان قدم البشر بالهرج ماقاله
والطيب وهبه
وطيب الرجل من يده
مايرفعه
طيب ابوه وجده وخاله
وفرق الرجال
بنهار الضيق والشده
والا
الرخا ماحدن محتاج لرجاله
وقت الرخا كل
رجل(ن)راهين عده
كل(ن)وفاء
بالكرم والطيب بقواله
كم من كريمن
زمانه و الفقر حده
و
القل دون المراجل قصر أحباله
ومالله عطا
شين الا معطين ضده
حتى
الغني يسعف المحتاج من ماله
والرزق عنده
عظيم الشان والمده
أمفرق
الخلق بالوانه و بالشكاله
ماكل رجال كسب
المرجله وده
لو
كثر ماله ماضاف الطيب لعماله
لو كان مافيه
شين دونه يرده
ماهمه
اللي ضرب بالطيب وأمثاله
والمال يرفع
رجال(ن)مابها شده
والقل
يثر براع الطيب وحواله
وراع الردا
نعنبوه ونعنبوأ جده
االطيب
يقفي عنه والخبث يبراله
وكل( ن) حياته
ملامحا على خده
وكل(
ن) له حاجت( ن)هوجس بها باله
ووجيه من لوعت
الايام مسوده
والوقت
كل(ن)شكى ميله وغرباله
ويوم الفرج من
ولي العرش لبده
يجي
لعبده ليا ضاقت وناداله
اقولها وضيق
نفسي واصل(ن)حده
وحتى
الفرح في نهار العيد ماجاله
من ينصا
بالازم(ن)عن غيره اصده
من
قام في لازمي والمدح يزهاله
من انتظر
فزعته بالطيب من جده
واقف
وسوق لعريب الساس فنجاله
وعلن بها
الاسم وونطح من يقف ضده
وسرج
له الشعر لين اتعب امثاله
وقول
حر(ن)تنومس فيه من هده
يعجبك
في شلعته والصيد لاهواله
مايرفع الرجل
غير الكسب من كده
ومايركب
الخيل غير رجال خياله
ليست هناك تعليقات:
إرسال تعليق