الطيب اعرفه ماتعرف على الطيب=ولاقول انا كامل جميع الوصايف
والرجل يخطي نوب بالهرج ويصيب=ومن فعل طيبه نوب يلقا الحسايف
مافيه مخلوق(ن)سليم العذاريب=ولوهو سلم ماسلم من هرج زايف
ورجل(ن)عزيز وعز منهو له صحيب=كل(ن)له بالعز والطيب شايف
لو فتلت يمناه طول الاشانيب=ماسد حاجه بالامور الخفايف
ورجل امعروف(ن)بالحكي بالاكاذيب=بالكذب غطا النشر وسط الصحايف
ماحدن سلم من شهرت الناس والعيب=لو حترص من شرهت الناس خايف
ماباح سده مع اهل الشك والريب=يمشي منه كشاف الاسرار عايف
رجل(ن)قوي الباس قدم المطاليب=وللاينه جور الزمن والكسايف
واحدن يشب بضيم الاقراب ويشيب=واحدن عن الاقراب شال الكلايف
ورجل(ن)يوصف في كلاب المغاريب=وبالهرج والنمات فرق ولايف
ويسعى ويرجي عالم السر والغيب=لو داخله لافه من الوقت لايف
ورجل(ن)ضعيف ولايودي ولايجيب=ويخاف حتى من كلام الزهايف
ورجل(ن)تضيع ابه الحيل ولاطابيب=هرجه صتيمه والفعايل خرايف
ورجل(ن)يوصف بالوصايف على الذيب=ورجل(ن)يوف وصف ناب الردايف
ورجل(ن)يوصف في عطيب المضاريب=حرن عليه الصيد ماهو بطايف
عليك يافريح الاماره ابعيده=حتى ولو تقاعد الصبح فرحان
اخذ العلوم اللي صحيحه واكيده=لو لك يضرب زوره فلان وفلان
حيات من لجله تصلي عبيده=اللي فرض دينه على خمسة الركان
ماتشوف من منكر مواقف عضيده=الاخساره في حياتك ونقصان
لوقال انا يمناك باللي تريده=ويشوف نفسه بالمواقف اكحلان
ومن ترتجيه وتحسبنه وليده=ضايع وهو ضايع معك في خبر كان
مايرفع المنصب قشاش الهضيده=لو صار المنصب على الناس سلطان
وبكره تبين ابه العلوم الجديده=ويبين لك لمن فيه الخبر بان
لاتغتاض ياحمد ماحصل مايجيب الغيض=علامك حركاتك تقول انت مغتاضي
ترى ماحصل مايوجيب الغيض والتحريض=نقاش مجال الشغل ومن الزعل فاضي
وانا يعلمه مانت عندي خوي بغيض=اقدرك واحط على العايله قاضي
وان كانك زعلت وتطلب الحق والتعويض=تكلم وانا في كل ماتطلبه راضي
يامرحبا باللي له النفس تشتاق=الصاحب اللي بالغلا صافيلي
اللي نحت غلاه في وسط العماق=وهمي ليا جيته وضيقي يولي
لاضقت من دنياي وبي الفضا ضاق=همي ليا جيته وضيقي يولي
وعنده يليق الوقت لو لي مالاق=ولاكن شين من زماني حصلي
يالله يالله يالمعبود تغنيني=عن منت الناس والضيقات تفرجها
يارب ياعالمن في كل مافيني=وتدري وش النفس المعبود مزعجها
راح العمر والعنى والضيق يطويني=وعنا السعاده مفقلتن مخارجها
يالله ياغفرن نذب المصليني=ياخلق الناس ياقاضي حوايجها
يالله ياكافل اليتامن وحيديني=ونفوسهم بالصبر والرزق باهجها
الله من نفسن جزت من عناها=وهموم وقت(ن)تندبل القبل الليل
وليا بغاله حاجت(ن)مالقاها=صارت عليه ابعد من الجدي وسهيل
ونفسن ترجا لين خيب رجاها=وزرعن زرعته مات قبل المحاصيل
بامصورين الكذب ربي بلاها=اللي يدقلهم ابليس المواويل
عزي لمن مثلي حياته قضاها=باديون وهموم وعذاب وغرابيل
وضاقت به الارض الوسيع وفضاها=وصعب خروجه مع وساع المداخيل
يتبع هواه نفسن تعثر مناها=نفسن تخيل ولاتحقق ماخاييل
كم يوم من عسره عن الزاد صاما=ويرج الله اللي بدل العسر تيسير
نصح الذي ببحور الاوهام عاما=وعام ابحور التجربه عمره صغير
اسمع كلام اللي نصيح الكلاما=ونصحه وهرجه ماهو بالكذب تصوير
يبني وبنيانه وطاه الهداما=وهدام بيت سر نفاخت الكير
ماله بفعل الطيب شف ومراما=وغنزير واساسه من الاصل غنزير
ومن ماعطاه الله قدر ومقاما=ماحسب من ماله حساب المناعير
منش المزن برق ورعود وغماما=من البحر يسوقه النود بالخير
وينبت شجرها وانفل والخزاما=ويكسي فضاها في جميل النواوير
وحيد وقت وضاع وسط العساما=وباليوم والليله هموم مسايير
اقفيت عني مع طيور الحماما=وتركتني بوكار لامشي ولاطير
عزي لمن مثلي حياته ظلاما=لاشاف خير ولا لقا بالرجا خير
ماقدمه ماله امام الكراما=لو مانحصى ماله بعد الدنانير
ياصاحبي عشرة ثلاين عاما=ماكونتلي معك حشمه وتقدير
الحقتني مع جور وقتي ملاما=وانت تعرف وش صارلي من مخاسير
وماشف لي عندك قدر واحتراما=وحطيتني ظالم وحاقد وشرير
ومن عاش بالدنيا كسير العظاما=فيها تحطم من جميع المعايير
وسوا حياته من حيات اليتاما=ان كان ماحول وجيهن مسافير
ماحصل الاخيبته والنداما=وكسور وقت(ن)ماجبرتها اللجبابير
حطمتني وانا حياتي حطاما=وانا حسبنك ذخر لي بالمدابير
ليست هناك تعليقات:
إرسال تعليق