تـوكـلـت بالله عـالــم الـغـيــب ولاســــرار

تـوكـلـت بالله عـالــم الـغـيــب ولاســــرار توكلـتـبـه واسـرجــت بالـحـاجـه اركـابــي

السـوق المثايـل سوقـت الـنـود للامـطـار تـفـوح بثمـيـن الـعـود وبـغــال الاطـيـابـي

وتوكـل علـى الله وشلـع الجيـب المخـتـار لحـالـك لاتـاخــذ مـعــك بـالــدرب ركـابــي

تجـهـز وجـهــز كـــل محـتـاجـه الـمـشـوار على اللي شمل من مصنعه كل لاعجابي

على الكزز اللي مامـش شبـر فـوق القـار فيرانـي ماهـو بـسـود ولابـيـض وعنـابـي

ثـمـيـن الـسـعـر بـريــال وبـيــن وبــــدولار للـنـظـار بالـطـرقـه مـــع الـخــط جـذابــي

ماتشيـل السفـر همـه ولوهـو بعيـد الـدار مـريـح السـفـر ذهـــاب بـالــدرب ويـابــي

تـوجـه باخـيـل الشـعـر يافـكـري المحـتـار تـوجـه لشيـخ(ن)دونـه الـظــن مـاخـابـي

توجه لشيخ(ن)من شيوخ(ن)طوال اشبار شيوخ(ن)تـوقـف للـعـدا دون الا صحـابـي

شيوخ(ن)لـهـا بالطـيـب والـعــز والاخـبــار من الماضـي اللـي فـات والحاضـر كتابـي

شيـوخ الـرجـال مدلهـيـن الـخـوي والـجـار شيـوخ الرجـال اللـي عريبـيـن الانسـابـي

شيوخ(ن)ترد ماتحسـب المـوت والاخطـار لـيــا جـــا نـهــار فــيــه لـلـعـمـر جــلابــي

حمـات الدخيـل وظيفهـم لوعليهـا اخـطـار ولـودونـه المـيـقـاف لـلـمـوت الاسـبـابـي

بعيدن وصوله في حماهـم عـن اهـل اثـار عطيـبـيـن بالـوقـفـات والـشــر مـضـرابـي

ولهـم بالشجـاعـه والـكـرم والمـراجـل دار يـفـكـون بـالـفـزعـات والــجــاه الـرقـابــي

ولـيـا قـيـل ثــار الـشـر يـانـطـح الاشـــرار ولـلـخـيــل خـيــالــه ولـــنـــار شــبــابــي

لـهـم بالمـراجـل والمعـالـي بـحـر وانـهــار وشجاعه ليا فتلت علـى الشـر الاشنابـي

هل الماقـف اللـي يشـرح الصـدر ولانظـار بيـوم(ن)يـفـرق بـيــن صـــادق وكـذابــي

توجـه لمـن بالطيـب والعـلـم لــه مـشـوار وعـن المرجلـه والعلـم والطيـب ماغـابـي

وصــل للمعـالـي والمـعـالـي لـهــا جـبــار تـبـي رجــل يـبـذ دونـهـا جـهـد والتعـابـي

وتبـا المرجلـه والعلـم رجــل قــوي صـبـار قويـه عزومـه ماحسـب لشقـى حسابـي

توجـه لبـن نـاهـس امــام الـعـرب وجـهـار تـوجـه لـمـن يقـضـي لـطـالـب وطـلابــي

ماهي بالخفا يمشيبهـا محـرج واسمسـار ويـغـيـر بـهــا بـالـهـرج لـدنـيـن واجـنـابــي

نـخـاوي رجــال ولنـخـاوي تـــروح اعـمــار مايشـذبـهـا الـلــي للعـراقـيـب شــذابــي

ولـــولا كــــذا مــاصــار لطـيـبـيـن اذكــــار ولامــيــز اطــيــب بـالافــعــال لا طــابـــي

وانـا جيـت مـن هم(ن)مولـع بجوفـي نــار من الظلم لي من دون لاخطا والاسبابـي

تزبنـت شيخ(ن)لـه كـبـار القضـايـا صـغـار لـو الـمـوت دون المرجـلـه مـنـه ماهـابـي

فهد مزبن اللي مـن زمانـه شكـى الامـرار ومقضـاب مـن مالـه لـيـا طــاح مقضـابـي

ولولـى كـذا ماجيـت فـي نخـوتـي مخـتـار هل الطيـب ولوقفـه شبـاب(ن) وشيابـي

نصيـتـك مـالـف يمـيـن بـالـدرب والايـسـار ولا لـي عنـك ياطـيـب الـسـاس مجنـابـي

ابـي فزعتـك يالطيـب والفـعـل والاشــوار مـن الوقـت والنكـبـات والظـلـم منصـابـي

لوانـي حريـص ولاسـري الليـل دون انـوار رمـانـي زمـانـي فــي متـاهـات الـذنـابـي

ومـن ماخـذا حسابـه مـن الـرمـي للـغـدار ماتفيـد الحسايـف والنـدامـه لـيـا نصـابـي

ومــن ماتجـمـل بالفـعـايـل قـلـيـل اثـمــار مـاهـو للـوفـاء والـعــز والـطـيـب جـيـابـي

ولاتـقــنــع الــعـــذار وتـغــطــي الــعـــذار رجال(ن)تـقـفـل دون الـقــراب لابــوابــي

ولايـرفـع المنـصـب ولا الـمـال رجــل بـــار بالافعـال مــع ناس(ن)بعيـديـن واقـرابـي

ولاينـفـع المنـصـب لـمـن مايـصـد اضـــرار يـروح ويجـي فـي منصبـه بالذكـر هـابـي