ليت لي في كل ديره رفيق(ن)مثـل ثامـر

ليت لي في كل ديره رفيق(ن)مثـل ثامـر طيب(ن)يـقـوم بالطـيـب لـنـاس ورفـيـقـه

بـيـض وجــه ثـامـر وهــو غـايـب وحـاضــر بيـض وجـه مــن بـذكـره ينـومـس فريـقـه

مـاهـو بالـلـي بالفعـايـل وبالقـومـه يكـابـر بس راع المصلحه في مدى عمره صديقه

طيب السمعـه ليـا جـا لـراع الطيـب ذاكـر ماهـو بالـلـي للجمـاعـه ولقـرابـه عليـقـه

والمراجل ماهي سهله تبـا رجل(ن)يثابـر ويرتـكـي للحـمـل فيـهـا لـونــه مايطـيـقـه

ماتهيـا غـيـر لـلـي عـلـى الـشـدات صـابـر والمـنـايـا دونـهــا والـمـاخـطـر ماتـعـيـقـه

ولـوصـو المرجـلـه بـعـد حـكـن بالـصـوابـر ودونـهـا بـحــرن مايـلـقـا بغـبـاتـه غـريـقـه

مارجع لو دونها الموت في وسط المعابـر والخبر بالموت مثبـت مـن رجـال الحقيقـه

لنه ابن اللـي يدوسـون لنخـوى المخاطـر مايحـسـب رجلـهـم للمنـايـا فــي طريـقـه

اهـل الفزعـات فـي يـوم هـدات ومخاسـر لاشكـى رفيهـم مـن حـدا الثنتيـن ضيـقـه

وعل عز اهل الكرم والوفاء والطيب عامـر والـردا واهـل الـردا للمشاكـل والحريـقـه

والمراجـل مـاهـي بالـمـال ولا بالمظـاهـر والردي مانشف بالطيـب والفزعـات ريقـه