يامل قلب(ن)قام ينزف صوابه

يامل قلب(ن)قام ينزف صوابه=دم من عروقه من الهم محروق
همن لا قمت الصبح نفسي عثابه=وامسي منه كني على الوجه مصفوق
همن لجا بالروح باول شبابه=واليوم مالكني بشيكات وحقوق
ماتفكني بالشرع منه الطلابه=الا الرجال مزبنت كل مزنوق
اللي لهم بالطيب عز ومهابه=وفعالهم بالطيب مع كل مخلوق
يسرون ليل(ن)خطر ماينسرابه=ولا ينطقون بهرجهم كل منطوق
لكن هذا الليل همي لاقابه=همن منه اقوا معقد ومطفوق
همن شكى راعيه قوة عذابه=وخلاه يلعب له من البعد طاروق
يالعيد مالومك وقتك شكابه=ناس(ن)كثيره من عنا البعد والشوق
وماجا من لله كل شخص(ن)رضابه=والعمر لو طالت لياليه ملحوق