يارفيقي ليش يومنك تحاسبني بغيري

يارفيقي ليش يومنك تحاسبني بغيري=وانت تدري  ماجرالك جارين قبلك عليه
كيف ماتبخص حياتي وانت بالديره قصيري=وكيف لو اني طلبتك لشهاده في قضيه
جيتلك عن بخص فيك وكان ابك ظني كبيري=وصرت عندك الاهل العيلات يالصحاب ضحيه
والرجل عند البشر بالعرف عن ربعه بصيري=ويعرف المحتال واللي عايشن في حسن نيه
ماتنومست برداي ولاتغيرت امسيري=ولاتعديت الحدود ولاتوطيت الخطيه
وعارفن من بالصواب وبالخطا مانهو شويري=والتجارب علمتني بالنوايا الداخليه
وعارفن مالي عن المكتوب بالدنيا مطيري=وضد فعل الخير حسنه للبشر والشر سئيه
عل يوم(ن)جابني ماهو باهالدنيا نويري=رحت الصفق من خطا نفسي وحسراتي ايديه
وازعج الونات مثل اللي من الحادث كسيري=في ديارن مقطعه وارض(ن) من الدايج خليه
حاسني هاك النهار بعنوتي حوس المريري=وقمت اشك بامن لهم عندي وجاه ومقدريه
وماتبعت الناس ادور عيبها واتي مغيري= ولاحسبت حساب من فيه هرج صبح وعشيه
ومن طعني في غيابي ماكشف خافي ضميري=لو يجيب شهود زور ويثبت اللي قال فيه
ماكشف راع المايم وسط خلق الله سريري=حافظ(ن)سد ونظراتي على العايل قويه
دام انا بالصدق ماشي والعدل ربي نصيري=لو جميع الخلق ضدي وقفوا لجل الاذيه
ماحنيت الراس للعازه وانا وضعي خطيري=لين رب البيت ساعدني وطاب الوقت ليه
ولاشنا ظيفي عشاي ولاشكى قربي قصيري=ولاوعدت افي بوعدي لو طيتبه المنيه