البارحه مامرحت ليلي بالديار ولاسريت

البارحه مامرحت ليلي بالديار ولاسريت= في ليلة(ن)حاولت مسراهاولايسرابها
لاقلت  باذن الله بعد شوي للمسرى نويت=قامت تلاعبني هموم(ن)ما بغيت العابها
والبارحه دورت من يقض الزوم ولا لقيت=خلتني الحاجه اطق الناس جبر ابوابها
وحتى الرجال اللي بهم في حزت الشده هقيت=اللي تفتل للامور الكايدات اشنابها
ماقضوا الشي البسيط اللي على شانه عنيت=وانا مخليهم ذخر في حاجت(ن)ماقوابها
وعز الله اني بالظروف القاسيه عمري بقيت=وبانتلي امور(ن)خفيات(ن)اتحد انيابها
ومادامها بانت عليه ماوصلت اللي بغيت=وقامت اعداي علومي اللي خافيه تسعابها
وغنواعلى ضيمي وانامن شدت الضيقه غديت=ومالي مفر(ن)والدياراللي سكنت ادرابها
لجيت للمولا ولاهل الطيب والفزعه لجيت=لجيت لبيوت الرجال اللي تفك اصحابها
اللي لوني ماعرفهم قبل بالذكر انتخيت=مخلدات فعولهم كل(ن)قبل غنابها
وبالله توكلت العظيم ويم ابن ماطر مشيت=بالحاجه اللي ماتفك الا الزحول انشابها
ولارحت في علم(ن)ردي ولاسرقت ولا رديت=وياما قضيت الحاجه اللي في ايدي انصابها
اسرجت خيل الشعر في وسط البلاد وللكويت=في مدح ناس(ن)ماوقفت لظيم دون اقرابها
ظلمت نفسي بالشعر وبكل مافيهم حكيت=ومدح الضعوف اللي تجيني بالعلوم اسبابها
والا انت والله لوعلى قدري ليا جيتك وطيت=منسا الجمايل منك يومني لبست اثيابها
ولو ان في رد الزوم ليا  قضيته ماقويت=ماجيت قدم الخلق اسوق لك انخاو ركابها
ومنك العذر ياصاحبي وقول في فعلك وفيت=كل الردود اللي تجني من طرفك ارضابها
ياحر ياللي بالجبال العاليه عشك بنيت=رؤس الطوال اللي يموت البوم ماعدبها
لاتلومني في جيتك ياسعود غصب(ن) يوم جيت=من حاجت(ن)ينغق عليه كل يوم اغرابها