مايروح حق ومن ورا الحق طلاب

مايروح حق ومن ورا الحق طلاب=ومن ماتعب لنفس ماحدن تعبله
ومايصير شين ماحصل قبله أسباب=ماكان حادث غير الاسباب قبله
ماينبني بيتآ بالعمد بلا أطناب=ومن ماقضب لناس محدن قضبله
وذيبآ يذب عواه لا بد ينصاب=يرمى ويذبح والعوا هو سببله
ومن ماشمل طيبه بعدين و اقراب=لو طاب بالاجناب محدن رغبله
ومن ماحسب لحساب شرهات وعتاب=الوم مع طول الليالي ذهبله
وعن ماكتب يالادمي ملك مجناب=كل(ن) يواجه بالعمر ماكتب له
ويجفل من الحبل المصوب من أداب=ويطى الخطر والذل من ماحسبله
والرجل من طابت علومه ليا غاب=اللي وصل لا جمت الطيب حبله
والطيب يبغاله رجاجيل ماتهاب=والحر ماياكل مع الشاه ربله
والمرجله ماهي باتفتيل الاشناب=كم من شنب باللازمه ماندبله
ويطير بالجنحان شيهان وغراب=وكل(ن)له فعل(ن)وذكرآ نسبله
وأحدن باهالدنيا له الحظ ماطاب=واحدن رقد والحظ لبا الطلب له
ولايضيع قرشآ من ورا مدقق حساب=وكل (ن)يبا فوز المزاين على ابله