ومنه ائيسوا كل الجماعه والاقراب

يامرحبا ترحيب من بالاسر غاب=ومنه انقطع حبل الرجاء في غيابه
ومنه ائيسوا كل الجماعه والاقراب=مايندرا وش بوسط الحرب صابه
رجل(ن)فعوله بين ربعه والاجناب=منها طلع صيته وكل(ن)حكابه
سمي بها كحيلان حلال الانشاب=وكل العلوم الطيبه تلقابه
وعقب الغياب اللي منه عارضه شاب=اللي جراله وهو باول شبابه
تباشروا في عودته كل الاصحاب=وعم الفرح جماعته والقرابه
يامرحبا ترحيبت(ن)مالها حساب=نجم سما ماينحصى في حسابه
بسليل عوف اللي من الموت ماتهاب=اللي لهم قدر و وجاه ومهابه
ومنازل(ن)عليا عريبين الانساب=ورجالهم فعل المراجل هبابه
هبة هبوب الشعر في غال الاطياب=ولبس لراع الطيب غالي ثيابه
لصاحب اللي فعل يمناه الاسباب=وعندي رفع قدره وعلا جنابه
عبد الطيف اللي فتح للوفا باب=ولاصك دون الطيب والعز بابه
هلا هلا مليون يازحل الاشناب=ياذيب يانسل الرجال الذيابه
فيك افتخر ماني مجامل وكذاب=والشعر من شانك اتعب اركابه
ومن مافتخر في مادحه عله الداب=اللي يذوق الموت من سم نابه
جاتك مزونن برقها الليل شباب=من برقها كل(ن)ظلامه سرابه
يرجف رعدها ورشها بالبرد ذاب=وبالبيد تجري سيولها وادعابه