مرحبا يامكرم الجيران ومقدر خويه

مرحبا يامكرم الجيران ومقدر خويه=مرحبا ياطيب الفعال يازحل الرجالي
مرحبا ترحيبت اللي مارجاء رجعه لحيه=بالقصاص اللي رفض راعيه جاه ودفع مالي
لين حضر للقصاص وائس ائياسه قويه=وقبل قصه في ثواني جاه عفوا بصوت عالي
مرحبا باحماد مليون الف ترحيب وتحيه=ومرحبا عد السنين وعد ماهل الهلالي
والله انك عندنا غالي ولاقدرك شويه=عندنا غالي قبل واليوم فوق حدود غالي
الله اللي عزنا في جيرتك جزل العطيه=انت والجيران عنا من جنوب ومن شمالي
جارك الله من ظروف الوقت والدنيا الشقيه=وعزك الله بالحياه وبرك الله بالعيالي
ياولد من بالوجاه يخلصون اكبر قضيه=وبالشجاعه ينطحون جيوش لا قام القتالي
شمر اللي مالكين الطيب من كل النحيه=مايزول الطيب عنهم لو اجا وطويق زالي
جاتلك يسبق رعدها البرق في وقت العشيه=شامله كل الفضا بالبرق وبعرض الخيالي
المزون اللي نشت عقب الدهور الجرهديه=الدهور اللي قضت على الدقاق مع الجلالي
ومامرحت والناس ترقبها وترجيه باجيه=وتستغيث الله باحيا الارض لحوال الحلالي
ونفهق عنها الهواء ومزونها بالماء غنيه=واصبحت وسيولها بالبيد تجري والدحالي
وربعت بالارض عام(ن)ماحصل مثله وزيه=الربيع اللي كسا الارض الوسيعه بالجمالي
انت لك حق(ن)كبير ولك مواجيب(ن)عليه=لو حدانا الوقت مازالت تدور بجو بالي
يعلم الله كل شي ويعلم الله كل نيه=والله ان الجار عندي بالمكانه من عيالي
وش مكاسيب الرجل بالعمر والدنيا الدنيه=الانتهاء عمره ومنها شد للقبر الرحالي
غير دينه والتواضع والكرم قبل المنيه=والدعاله بالعفوا لا جا عقب موته مجالي