ايــلا مـتـى وانــا انـتـظـر غـبــر الايـــام

ايــلا مـتـى وانــا انـتـظـر غـبــر الايـــام تصـفـي لـنـا والـجــو يـصـفـي وراهـــا

وفـي كـل عـام انقـول بتـزيـن هالـعـام وفــي كــل عــام تزيـدنـا فــي غثـاهـا

فيهـا ابتلينـا مثـل بلـوى اهــل الـشـام دنـيــا بـالـيـا اســبــاب ذقــنــا عـنـاهــا

وفيهـا انقطـع وصـل القرابـه والارحــام حــتـــى ولـــوانـــا تـبـعــنــا رضـــاهـــا

ولـونـدري ان الـعـمـر لـوطــال مـــادام وكــم واحــدن دنـيـاه ضـــاع ابـرجـاهـا

وكــم واحــدن طــال المـعـزه والـكـرام وحـقـق بـهـا نفـسـه بـاعـمـره مـنـاهـا

حـاكــم ولـــه جـــاه وكـرامــه وخـــدام واوامــره تمـشـي ولاحـــدن عـصـاهـا

تحـطـمـت فـيـهـا عـروشــه والاحـــلام وشـــاف الغبـيـنـه والاهـانــه وطـاهــا

دنـيـا بـهـا تهـتـال وتـشــوف الاوهـــام وماخلق مخلوق(ن)سلم مـن شقاهـا

يـاكـثـر مافـيـهـا مـــن الـخـلـق ظـــلام ونـاس(ن)حـرمـهـا ونـاس(ن)عـطـاهـا

وفيـهـا تطـيـح اعـــلام وتـركــز اعـــلام ويـكـثــر صـجـتـهـا ومـاكـثــر هـجــاهــا

ويـاكـثـر مايـكـتـب ويـنـشــر بــالاقــلام مـــن هـــرج والـدنـيـا بـعـيـدن مـداهــا

وكل(ن)نظـر عينـه علـى النصـر قــدام وكل(ن)يـبـي نفـسـه يحـقـق هـواهـا

ونفس(ن) بها تموت في شنق واعدام ونفس(ن)بالـيـا اسـبـاب ربــك خـذاهـا

ومـن عـاش فيهـا العمـر ظالـم ونـمـام مـاعــش فـيـهـا بــعــز لــــو اغـتـنـاهـا

ولـوهـو وصــل فيـهـا مواصـيـل حـكـام واعـــلا مـنـاصــب بـالـحـيـاه اعـتـلاهــا

لصـد عـن حـكـم الشريـعـه والاســلام والـنـفـس ماوقفـلـهـا عــــن خـطـاهــا

لابـــد مـايـشــوف الغـبـيـنـه ويـنـظــام وتـعـلـمـه دنــيــاه نـفــســه عـمــاهــا

والصـدق يبـن الصـروح والكـذب هـدام والله يـعــلــم بـالـنـفــوس وخــفــاهــا

والكـذب شـر وسـرق خلـق الله اجـرام وكـم لقمة(ن)قضـت علـى مـن كلاهـا

والـكـذب لـــو راعـيــه صـلابــه وصـــام اذنـوبــه الــلــي حـاشـهــا مـامـحـاهـا

والـرجـل مــن لنـخـي بالواجـبـه قـــام والــلــي يــقــف لـلـكـايـدات ولـقـاهــا

الـلـي لـبـس للمرجـلـه تــاج و وســام والمرجـلـه فــي كـــل مـالــه شـراهــا

ولا نخـي قـام وقومتـه عجـل وشـمـام ويلـقـا بــه الهـقـوات رجل(ن)هـقـاهـا

مـاهـو مـطـول شـعـر ومـتـابـع افـــلام ومهلـوس لحـيـه والـشـوارب معهـاهـا

مـاهــو بـيــم الـمـرجـل تـبــع وخـمــام والـطـيــبــه والـمـرجــلــه مـابــغــاهــا