ياشمس طلي طولت ظلمـة الليـل

ياشمس طلي طولت ظلمـة الليـل
وسود الليال اللـي تغيـب قمرهـا
في غيبتك ضيق وهموم وغرابيـل
والنفس ضيقي من غيابك حشرهـا
يومين ماجا منك حتـى المراسيـل
وانا على مثـل الجحيـم انتظرهـا
مشتاقلك مشتاقلك شـوق بالحيـل
والعين مشتاق(ن)لشوفـك نظرهـا
من دون وصلك ماتزيـن التعاليـل
انته شجرة العمـر وانتـه ثمرهـا
عن القمر مايكفي النجـم وسهيـل
والارض زينة برهـا مـن بحرهـا
حبك سحاب(ن)يسقي الارض بالسيل
وعقب الدهر والموت يحييي شجرها
خذ الغلا منـي بابيـض الفناجيـل
وكلمة غـلا ياصاحبـي وعتبرهـا