يازيد
لك عزن مع خليف مايموت=مايموت لو كل الذي فاتني مات
باقصا
ضلوع الصدر يازيد منحوت=منحوت من عزك ورب الصماوات
لك
بالمعزه عندنا ديار وخبوت=وذكراك محفوظه باعذبات الابيات
والله
واللي كافلن شيت الحوت=واللي فرض للخلق خمس الصلاوات
ماقلتها
لجل مصالح والا قوت=ولا قلتها من شان فزعه وحاجات
لاصرت
عصيريه من الضيق مكبوت=وسجيت رجلي ساهلن خليات
وغنيت
بالاشعار في عالي الصوت=غنيت لك عندي قصايد قديمات
و
العز ماهو الاهل اموال وبشوت=الاهل الوفا واهل العلوم الجميلات
عز
المصالح بيع ماكر وعكروت=مغامره في ربح والا خسارات
في
سوق سودا لاشهاده ولا ثبوت=لبيع فيها معرضن للعقوبات
او
سوق غير امن من السواق جيبوت=ماكل بيعه فيه تطلع سلامات
والرزق
عند الله والجل موقوت=وعلمه مع اللي عالمن بالخفيات
وعيشه
بقل وعز لؤلؤ وياقوت=ولا غناتن جمعها بالحيلات
لو
طمع يحفي ورا طرده سبوت=يقف العمر ماوقفن المسافات
من
لاخذا حسابه قبل فايت الفوت=ماتنفعه كثر الحسايف بالازمات
شف
هالزمن كنه مكفن بتابوت=كم البرياء ماتو ضحايا الثورات
امرن
تقل من وال القدار منعوت=ان القدر يمكن يصيبك بلحظات
ان
صرت في حكم على الخلق طاغوت=وصلوك لو عندك قوي الحميات
لاتامن
الدنيا ولو كنت مبخوت=بالحكم فيها ولبيوت الوسعيات
يمكن
يجي للحكم والمال ناحوت=حكام واهل اموال خسروا بساعات
وعقب
الحكم وفخم مكنات وبيوت=وملك البنوك و واسعات المطارات
وسعين
لحل اوضاع غزه وبيروت=وحكم ربع قرنن سعي وتجتماعات
ماحسبوا
للقهر والضرب والشوت=بسلطت حكم دامات عليهم سنوات
في
نصف ساعه الصبح الامن مفلوت=مافكهم خطه وسلطه وقوات
لعبهم
ظلم البشر لعب بيلوت=وانهت سنه حكم السنين الطويلات
واللي
نجا منهم من المال محتوت=ومطالبن في قمع ثورة وثروات
ليست هناك تعليقات:
إرسال تعليق