ياشيخ لاتظلم بالحكام مظلوم
يدعي عليك ويقبل الله ادعاته
والله لو انك تعلم الغيب ماتلوم
رجل(ن)قضا ظلم وكسافه حياته
لو كل ماصابه من الله مقسوم
وتكفير سئياته ودبل حسناته
عاش العمر من اقرب الناس مذموم
لو مامشا. درب (ن) يعيب صفاته
والهرج له لاوجه الهرج مسموم
ولاغاب مقفي بالخزا والشماته
لو ينشرى ويباع بيع اول السوم
باعوه لشاري باقيمة عباته
ستين اعام اقفت من العمر مهموم
الاشاف عز ولا ارسل الله وفاته
الناس ترقد هو مرتاح بالنوم
ويسج من بلواه بثنا صلاته
وحتى اليتيم اللي من الحي محروم
ماعاش ماعاشه وسوى سواته
والله لو غندك من الغيب معلوم
وتشوف عينك بالخفا خافياته
انك بليا شعور ياشيخ لتقوم
وتعلن بحكمك بالقضيه براءته
ليست هناك تعليقات:
إرسال تعليق