ودي بها لكن ماهي على الكيف
بعدي وقربي ياخلف من سببها
اشوفها مالها باعيني تواصيف
بس هي من عندي زهاها ذهبها
ماذقت في عمري كثير التحاسيف
الا عليها لو مالله كتبها
اللي تقهويني ليا جيتها ظيف
تقدير لي ولغير محدن قربها
ماقلت فيها الشعر خدعه وتزييف
لوهني من تقبله لا خطبها
احلا غلاها من حليب المعاطيف
وضح(ن)لبن ناهس لظيفه حلبها
ماهو بقانيها لربح ومصاريف
ولاهو مدور مكسبه من جلبها
فهد ولد ناهس مايحتاج تعريف
اللي علوم المرجله مكتسبها
شيخ(ن)شهر من غرب حايل لي السيف
وعرف ابمجالس مايطفا حطبها
مفتوحت(ن)في حامي البرد والصيف
ثمين مبناهاوغالي كنبها
ماهو من اللي ماعرف مسكت السيف
اللي فعوله بالمهايط شعبها
ومراجله ماغير هرج وسواليف
ومن الضعوف اللي اتبعته كسبها
اللي يدوج ويدفع(ن) التكاليف
وامواله ابنكه والاحدن قربها
يلعب على الحبلين والفعل ماشيف
كم عنوت(ن)شيخ المهايط زلبها
ياحيف مانصيتها قبل ياخليف
شيوخ(تفي لك ولا فتلت لك شنبها
ليست هناك تعليقات:
إرسال تعليق