مانصيتك غير انا لي فيك هقوات(ن)كبيره

مانصيتك غير انا لي فيك هقوات(ن)كبيره=وصرت فوق الهقوه اللي ياخوي العز جاتك
زاد خيرك والذي شرواك زاد الله خيره=وفرج الله عنك هم وعاضك الله في حياتك
عل رب(ن)مالك الارواح عالم بالسريره=يسعدك بالعمر ويحقق باهالدينا امنياتك
ياولد من يكسبون المرجله لو هي خطيره=الرجال اللي صفتهم بالشدايد من صفاتك
يسند من جاك يشكيلك من ظروف(ن)عسيره=يوم فات الطيب غيرك انت لا والله مافاتك
عل يافالح دروب الخير في وجهك كثيره=دام عزك بالحياه وزادك الله في غناتك
يامقضي حاجت المعسر يامكرم قصيره=قصر الله عمر من بالفعل مايسوي سواتك
جاتلك والطيب سابقها منك وهي الاخيره=وانت راع الطيبه و الطيب  يبقا  ذكرياتك