أثر التكاشف يبو فيصل عما عين

أثر التكاشف يبو فيصل عما عين=يكشف صور بعض الأوادم عرايا
لا صار فاقد في حياته حدا أمرين=تستـكـثر إنه من حـياة الرعـايا
يعني اذا هو فاقـد الـطيب والـدين=مـثل أللـذي فـخـره لـيالي بـتـايا
حتى لو إنه مع شيوخ وسلاطـين=ماتحلـقة شرهـة شريف الـنوايا
لكن يعـيش بظل الأشناب مسكـين=ويعـيش مسكين وقـليل الحـلايا
ولو نلتمس عـذر الرجال المسمين=نـصـير مـثل إللـي يـبـرر خـطـايـا
وان كان فيه مقارنه بين الاثنين=ماعاد يـفـرق مـن يقـود السرايا
من يملك التمييز بالزين والشين=اكــيد جـينـاته لها اربـع خـلايا
إلا اذا كان الصُعب في ذرى اللين=والـود شـاهـق والمـكان الـزوايا
جرد شعر فارس بني عبس في حين=واقـطـف ثـمر يانـع وخـل الـبقـايـا
ولا تلتفـت للي على الحاجة سنين=ياخـليـف ماعـزته بعـض الـهـدايا




يامرحبا ياحميد حمدان وهلين=ترحيب(ن)جزله باجزل التحايا
عداد مايسبح ويركع مصلين=يابن الرجال اللي تحل القضايا
ابن الرجال اللي بالافعال راهين=معطين يوم القل غال المطايا
هب القصيد وبان للعين دربين=للمدن واللي ساكنين القرايا
وكفيت فيها ياصعود المجانين=ماعاد لي خليت فيها بقايا
قوستها ياحميد من بين حرفين=وضربتها من بين عوج الحنايا
ويستاهلون اللي عن الدرب غادين=شويتهم ياحميد مثل الشوايا
طعنتهم بالسيف ماهو باسكين=وكسرت ناب الداب قبل الحييايا
ولو ماخلق ياحميد ناس(ن)رديين=ماصار بين الناس فرق ومزايا
ولو الردي يملك بابنكه ملايين=ماطاب لو هدد بايوم المنايا
ميت احاسيسن من يسار ويمين=لو ابتسم وابدا بياض الثنايا
ولو الزمن خفا الردي ابو جهين=الله كشف سده عليم الخفايا
ليت الرجال اللي عن الطيب مقفين=مالله فداهم يوم ذبح الضحايا
وقت الرخا كل الرجال متساوين= والطيب مايكسب باقول وحكايا
الطيب الاهل الطيب مافيه تخمين=متوارثينه من فعول ووصايا